Փաստ ինֆո

Երևանի քաղաքապետարանի առջև «Քաղաքացիական պայմանագիր» կուսակցության նախընտրական քարոզարշավի շրջանակներում հրավիրված հանրահավաքի ընթացքում ՀՀ վարչապետ Նիկոլ Փաշինյանն անդրադարձավ իր թիմի նախընտրական կարգախոսին․ «Ասեք՝ կանենք»-ին։ Նա նշեց, որ խնդիրն այն չէ, որ երևանցին պետք է ամեն ինչ ասի և ցույց տա, այդպես չէ, որ մեր քաղաքական թիմը չգիտի պրոբլեմները։ «Այս կարգախոսով 2 իմաստ ենք ընդգծում, առաջինը, որ Երևան քաղաքում ասողը Երևան քաղաքի ընտրողն է, ուրիշ ասող չկա, չի եղել ու չի լինելու։

«Երկրորդը․ համայնքի, մայրաքաղաքի ոգու ամենակարևոր առանձնահատկությունը երկխոսությունն է , մասնակցայնությունը։ Մենք ուզում ենք, որ ինչպես Երևանցին մասնակցել է Երևանի հիմնադրմանը, վերակառուցմանը, հիմա էլ երևանցին մասնակցի մայրաքաղաքի նոր ծաղկունքին նոր վերածննդին»։

Նա անդրադարձավ նաև նախօրեին տեղի ունեցած հեռուստաբանավեճին, որի ընթացքում շնորհակալություն հայտնեց Տիգրան Ավինյանին։

«Պետք է խոստովանել, որ նա նոր տեմպ է տվել մեր 2018 թ-ի նախընտրական ծրագրի իրականացմանը։ ՈՒզում եմ իմ տարակուսանքը հայտնել այն մարսկանց նկատմամբ, ովքեր արհաարհեցին բանավեճի հարթակը։ Բեմում միայնակ կանգնել ու վարչապետի ձայնը նմանակելը․․․վատ չէ։

Բայց սա ազատության արժեք է, սա ցուցիչ է, որ հանրապետությունում բոլոր բեմերն ազատ են ու սա հեղափոխության, ժողովրդական ոչ բռնի թավշյա հեղափոխության ամենամեծ արժեքն է բայց հեղափոխության արժեք է նաև քաղաքական բանավեճը։

Ես 2 անգամ որպես ՀՀ վարչապետ մասնակցել եմ բանավեճի, որովհետև բանավեճի մասնակցելը հարգանք և խոնարհում է ընտրողի առաջ, բանավեճից հրաժարումը արհամահանք ու քամահրանք է ընտրողի նկատմամբ։ Բա, հարցեր եք բարձրացնում, մեղադրանքներ եք հնչեցնում, բա, գնայիք, նայեիք ՔՊ ներկայացուցչի աչքերին շփացնեիք ասելիդ, բայց դուք աչքերի մեջ նայել չգիտեք, որովհետև չեք կարող, որովհետև բարոյական փախստականները չեն կարողանում նայել ուրիշների աչքերի մեջ։ Չեք գնում, որովհետև կարող է պարզվել, որ դուք ուրիշի ձայնով եք խոսում»։

Նա նաև անդրադարձավ, այսպես ասած՝ «կրակելուց խոսողներին»։

«Էդ արյունով Երևանը վերցնելու մասին խոսողներին խորհուրդ կտամ բառապաշարի վերանայում անել և սեփական բախտը չփորձել։ Սա ձեր ու ձեր կնքահայրերի համար 1999 թ-ը չէ, սա առավել ևս հոկտեմբերը չէ, առավել ևս 27-ը չէ, սա 2023 թիվն է սեպտեմբերն է ու 17-ը։ Դե մի հատ բախտներդ փորձեք, ու ձեզ սպասում է ասֆալտի հարուստ դիետա։ Էնքան ասֆալտ ուտեք ու բորդյուր լիզեք, որ Երևանի սանմաքրման 5-ամյակը մի շաբաթում կատարեք ու գերակատարեք, դե բախտներդ փորձեք»,- հայտարարել է Փաշինյանը։

Մանրամասները՝ տեսանյութում

Աղբյուր` Փաստինֆո