Փաստ ինֆո

Քարոզարշավի ընթացքում և արդյունքներում ոչ մի արտառոց բան չի արձանագրվել: Ի սկզբանե, ինչպես պասիվ սկսվեց քարոզարշավը, այնպիսի ավարտ էլ կա: Ցուցանիշներում տեղափոխություններ և լիդերի փոփոխություն չի գրանցվել: «ՓաստԻնֆոյի» եթերում ասել է «Գելլափ Ինթերնեյշնլ» ասոցիացիայի ներկայացուցչության տնօրեն Արամ Նավասարդյանը:

Բանախոսի դիտարկմամբ, արտառոց կամ շատ հետաքրքիր մոտեցում չի եղել՝ ստանդարտ, տաղտկալի քարոզարշավ էր՝ համեմատած նախորդ, նմանատիպ քարոզարշավների: Զարմանալի էր, որ գրանցված դաշինքներից գրեթե 7-ը ոչինչ չեն արել:

Փորձագետը նշում է, որ ֆավորիտ նշմարվել է անգամ մինչև քարոզարշավը: Մասնավորապես, Քաղաքացիական պայմանագրի ունեցած առավելությունը պայմանավորված էր նրանով, որ այն իշխող ուժ էր, իշխանական լծակները առկա էին, իրենց մշտապես ձայն տվող ընտրազանգվածը առկա էր: Անգամ կան կուսակցություններ, որտեղ մարդ-կուսակցություն գաղափարն է՝ ամեն ինչ մի մարդ է որոշում:

«Այն ցուցանիշներով, որոնք մենք ենք արձանագրել, մեծ կասկածներ ունեմ, որ հնարավոր կլինի, դիցուք ՔՊ-ն գրանցի 50+1 ձայներ: Ավելի քան վստահ եմ, որ կոալիցիայի անհրաժեշտություն լինելու է, բայց դա կախված է նրանից, թե որ կուսակցությունները կանցնեն: Անգամ, եթե իշխող ուժը ընտրակեղծիքների դիմի՝ կասկածում եմ, որ նրանք կկարողանան այդքան կեղծել»,- ասել է Ա. Նավասարդյանը:
Բանախոսը այն կարծիքին է, որ ընտրություններին երևանցիների մասնակցությունը կլինի մոտ 50 տոկոս:

Մանրամասները՝ տեսանյութում:

Աղբյուր` Փաստինֆո