Փաստ ինֆո

Ավելորդ քաշը կորցրած և հասարակ սովորության շնորհիվ կյանքը փոխած կինը բացահայտել է նիհարելու գաղտնիքը։ Իր փորձով նա կիսվել է Newsweek-ի հետ։

Արիել Ջեյդը նիհարելու իր ուղին սկսել է 2021 թվականի հունիսին: Կինը երեխայի ծնվելուց հետո ավելորդ քաշ է հավաքել և մշտական հոգնածություն է զգացել։ «Ամեն անգամ, երբ բարձրանում էի աստիճաններով, շնչահեղձ էի լինում։ Իմ որովայնն այնպիսի տեսք ուներ, կարծես հղիության չորրորդ ամսում էի, և ես հասկացա, որ պետք է ինչ - որ բան փոխել», - հիշում է կինը: Ջեյդի խոսքով՝ ինքը որոշել էր հետեւել մոր օրինակին, որը քայլելու շնորհիվ կորցրել է ավելորդ քաշը։

Առողջական վիճակը բարելավելու և սլացիկ կազմվածք ձեռք բերելու համար կինը որոշել է մեկ ամսվա ընթացքում օրական 10 հազար քայլ քայլել։ Ջեյդը խոստովանում է, որ առաջին շաբաթվա ընթացքում շատ էր հոգնում և նույնիսկ էներգիա չուներ ընթրիք պատրաստելու համար: Սակայն շուտով նա էներգիայի ալիք է զգացել և սկսել է հաճույքով դուրս գալ փողոց։

Մեկ ամսվա ընթացքում կնոջը հաջողվել է մեկուկես կիլոգրամ նիհարել, նրա որովայնը զգալիորեն փոքրացել է։ Բացի այդ, Ջեյդը սկսել է ավելի հանգիստ քնել, ավելի ակտիվ է դարձել, ինչպես նաեւ դադարել է սնվել բարձր կալորիականությամբ սնունդով շ։ «Ես ցնցված եմ, թե որքանով է քայլելը ճնշել այն կերակուրներն ուտելու ցանկությունը, որոնք նախկինում պաշտում էի։ Ես հայտնաբերեցի, որ ճաշից հետո շոկոլադ ուտելու խիստ կարիք չունեմ, և դա շատ անսովոր է», - ասում է նա։

Վերջերս Ջեյդը երկրորդ անգամ մայր է դարձել։ Նա նորից սկսել է երկար զբոսանքներ կատարել։ Կինը խորհուրդ է տալիս քայլել բոլոր նրանց, ովքեր ցանկանում են ավելի եռանդուն դառնալ, ավելի լավ զգալ, ինչպես նաև ավելի հանգիստ քնել: «Ձեզ հարկավոր է ընդամենը մի զույգ լավ սպորտային կոշիկ, և դուք ընդամենը 10 հազար քայլ եք հեռու ավելի լավը լինելուց», — ասում է նա:

Աղբյուր` Փաստինֆո