Փաստ ինֆո

Մենք ոչ միայն դեմ չենք, այլև ընդհակառակը, կողմ ենք Հորադիզ- Մեղրի- Օրդուբադ- Երասխ երկաթուղու վերաբացմանը, և կարծում ենք, որ դա Հայաստանի համար շատ կարևոր նախագիծ է։ ԱԺ-ում կառավարության անդամների հետ հարցուպատասխանի ժամանակ այս մասին հայտարարեց Նիկոլ Փաշինյանը

Նա ընդգծել է, որ Պայաստանը  կողմ է ոչ միայն տարածաշրջանում երթուղիների բացմանը, այլև, որ Ադրբեջանը և Թուրքիան Հայաստանի տարածքով, այնպես էլ Նախիջևանը և Ադրբեջանի Արևմտյան շրջանները Հայաստանի տարածքով հաղորդակցվեն։ «Մենք դեմ չենք նաև, որ Հայաստանի տարածքով անցնեն տարածաշրջանային գազամուղեր, նավթամուղեր, էլեկտրական հաղորդման գծեր։ Մենք ընդհակառակը շահագրգռված ու հետաքրքրված ենք այդ ծրագրերով։ Այս ամենը պետք է իրականացվի ինչպես ՀՀ, այնպես էլ մյուս երկրների ինքնիշխանության ու իրավազորության սահմաններում»,- ասաց նա։

Փաշինյանի խոսքով՝ ՀՀ ինքնիշխանությունը կամ իրավազորությունը որևէ կերպ կասկածի տակ դնող որևէ հայտարարություն հայկական կողմի համար ո՛չ միայն անընդունելի է, այլև «կարմիր գիծ» է։

Հիշեցնենք, որ ավելի վաղ, Թուրքիայի տրանսպորտի և ենթակառուցվածքների նախարարը Ստամբուլում անցկացվող թյուրքական պետությունների մուլտիմոդալ և լոգիստիկ ֆորումի ժամանակ խոսել էր, այսպես կաչված «Զանգեզուրի կապուղու» գործարկման ուղղությամբ արձանագրված առաջընթացի մասին՝ հավելելով, թե այն «Թուրքիայի և Ադրբեջանի միջև ուղղակի երկաթուղային և ցամաքային հաղորդակցություն է ապահովելու, իսկ ողջ թուրքական աշխարհը միմյանց կապող կարևոր քայլ է լինելու»։

Թուրք նախարարը նաև հայտարարել էր, որ ադրբեջանական կողմում աշխատանքները շարունակվում են, իսկ թուրքական կողմում դրանք կսկսվեն առաջիկա ամիսներին։ Նա նաև հայտարարել էր, որ Հայաստանի տարածքով «Զանգեզուրի միջանցք»-ի հետ կապված նույնպես  էլ առաջընթաց կա, և այլ ևս միջանցքի կարևոր այլընտրանք է լինելու»։

Փաշինյանն, այդուհանդերձ, ԱԺ-ում վերահաստատեց, որ 2020 թվականի նոյեմբերի 9-ի եռակողմ հայտարարության մեջ սուվերենության որոշակի սահմանափակում նախատեսված է  միան Բերձորի միջանցքի մասով։ Հավելեց՝ ՀՀ տարածքով միջանցք նախատեսված չէ։

Նաև այս առումով, Փաշինյանը կարևոր համարեց այս տերմինի հայկական ընկալումը միջազգային հանրությանը ճիշտ հասցնելու գործընթացը՝ հավելելով, որ ադրբեջանական կողմն այս տերմինը փորձում է գործածել սխալ կոնտեքստում՝ ՀՀ տարածքային նկրտումների համատեքստում։ Իսկ ինչ վերաբերում է կոմունիկացիաներին՝ Փաշինյանն ասաց, որ այդ ուղղությամբ աշխատանքները կարող են մեկնարկել անգամ վաղվանից։

«Արդեն երկար ժամանակ Հայաստանի կառավարության օրակարգում շրջանառվում է նախագիծ՝ Հայաստան- Ադրբեջան սահմանին 3 անցակետ բացելու  վերաբերյալ։ Դրանցից մեկը Նախիջևանի սահմանին, երկուսը՝ Ադրբեջանի արևմտյան շրջանների հետ սահմանին»,- ասաց նա։

Աղբյուր` Փաստինֆո