Փաստ ինֆո

Մեծ Բրիտանիայում դատարանի առջև է հայտնվել Աբերդին քաղաքի բնակչուհին, ով ավելի քան չորս ամիս ոտնձգություն է կատարել 15-ամյա դեռահասի նկատմամբ: Այս մասին հայտնում է The Press and Journal-ը:

44-ամյա Գալինա Ֆրադկովային մեղադրել են այն բանում, որ 2022 թվականի հունիսի 1-ից հոկտեմբերի 12-ը նա բառացիորեն հեղեղել է դեռահասին իր մերկ լուսանկարներով։ Հետաքննությունը պարզել է, որ կինը տղային ուղարկել է իր «կրծքերի, հետույքի եւ մարմնի այլ ինտիմ մասերի» լուսանկարները, ինչպես նաեւ սեռական բնույթի հաղորդագրություններ: Ավելի ուշ նա սկսել է խնդրել, որ տղան նույնպես իրեն ուղարկի իր լուսանկարները, «հաճոյախոսել է տղայի կազմվածքի հետ կապված» և բազմաթիվ առաջարկներ ուղարկել սեռական հարաբերություն ունենալու վերաբերյալ: Մեղադրող կողմը հստակեցրել է, որ այդ ամենը տեղի է ունեցել առանց դպրոցականի համաձայնության։

2022 թվականի օգոստոսի սկզբից մինչև սեպտեմբերի վերջ Ռադկովան սպառնացել է տղային և պահանջել, որ նա ջնջի իր հաղորդագրությունները։ Գործում նկարագրված է նաև մի դրվագ, որի ընթացքում կինը «հարձակվել է տղայի վրա, փորձել համբուրել և պահանջել վերադարձնել նախկինում նրան փոխանցված գումարը»:

Ռադկովան իրեն մեղավոր է ճանաչել մեղադրանքի բոլոր կետերով և ներառվել է սեռական հանցագործություններ կատարած հանցագործների ցուցակում: Կնոջ վերջնական դատավճիռը կկայացվի հոկտեմբերին։

Աղբյուր` Փաստինֆո