Փաստ ինֆո

Տեսեք, իրեն տրված հարցից, թե՝ ձեր կազմակերպած դրամահավաքի գումարներն այսօր ավելի տպավորիչ են, քան այն գումարները, երբ ընդդիմադիր ժամանակ էիք ստանում դրամահավաքի արդյունքում, նա պանիկովսկիաբար խուսանավեց՝ բացարձակ չհամաձայնելով, որ իր իսկ քննադատած բարքերի «բարիքներից» ինքն է հիմա էլ օգտվում։

Երևի մտածում է՝ դե, մարդիկ բերում՝մուծվում են, ինքն էլ՝ վերցնում է։

Գործարար տարբեր շրջանակների՝ այսպես կոչված «նվիրատվությունը» սիրահոժար ընդունելու փաշինյանական պատրաստակամությունը ի՞նչ է, եթե ոչ՝ կաշառվելու պատրաստակամություն։ Այսինքն, հին բարքերի վերադարձ չկա։

Փաշինյանը մեկ այլ հետաքրքիր ինքնախոստովանական ցուցմունք էլ տվեց։ Ասաց, չէ՜, հին բարքերի վերադարձ կլիներ, եթե որևէ գործարար ասեր, թե՝ որևէ ընդդիմադիր քաղաքական գործչի կամ կուսակցության օգտին նվիրատվություն անելիս պրոբլեմներ է ունենում։

Լավ, իսկ ընդդիմադիր եղած ժամանակ ինչպե՞ս է նվիրատվություններ ստացել Նիկոլը կամ իր կուսակցությունը։ Ակամա՝ խոստովանություն՝ «համախոհների շրջանակում, հիմնականում՝ թաքուն»։

Հարց է ծագում՝ ի՞նչ ասել է թաքուն։ Ասել է՝ ծածուկ, ասել է՝ գաղտնի։ Ասել է՝ «ինկոգնիտո»։ Այսինքն՝ «նվիրատվությունս գաղտնի թող մնա, ճամփեն ոչ-ոք չիմանա»։ Այսինքն, այստեղ լիքը բան եղել է «նե չիստայա»։

Ըստ նրա՝ հին բարքերի ժամանակ, որևէ գործարար չէր կարող ընդդիմադիր քաղաքական գործչի օգտին նվիրատվություն անել, եթե հայտնի դառնար, այդ նվիրատվությունը կդառնար պրոբլեմ, էլ չասած՝ գործունեության ավարտ։

Այսինքն, ըստ Նիկոլի՝ ստացվում է, որ եթե ինքն է իշխանությունը, բոլոր կողմերից ստացած գումարները սիրահոժար, կամավոր նվիրատվություններ են, առանց հետին մտքերի։

Բայց ընդդիմադիր ժամանակ էլ, ստիպված թաքուն է ընդունել նվեր գումարները, միայն թե՝ այստեղ ոչ մի վատ բան չկա։

Իսկ միգուցե իր համար ավելի լա՞վ էր՝ գործարարներն էլ, փողերն էլ, փողի չափն էլ գաղտնի էր․․․

Հույժ գաղտնի։

Աղբյուր` Փաստինֆո