Փաստ ինֆո

Հայաստանի Հանրապետությունը 17 մլն 380 800 ֆունտ ստեռլինգով (ավելի քան 8 մլրդ դրամ) Լոնդոնի կենտրոնական հատվածում ձեռք կբերի դեսպանության նոր շենք։ Այս մասին Կառավարության նիստում հայտարարեց ՀՀ ԱԳ նախարար Պարույր Հովհաննիսյանը։

ՀՀ դեսպանության համար ծառայողական շենքը ձեռք բերելու համար գումարները հատկացվել են ՀՀ կառավարության պահուստային ֆոնդից։

Այդ քայլը ՊՆ փոխնախարարը հիմնավորեց այսպես․

«Մեր վարկանիշի բարձրացման համար անհրաժեշտ էր նոր շենք, դա ոչ միայն կտա հարմարավետ պայմաններ, այլև կբարելավի հյուպատոսական ծառայությունները, կիրականացնի ներկայացուցչական ծառայություններ, քանի որ հիմա միջոցառումների համար վարձակալվում են այլ տարածքներ»։

Փոխնախարարը նաև նշեց, որ Մեծ Բրիտանիայում ՀՀ դեսպանատունը 1992 թ. ի վեր տեղակայված է Լոնդոնի հայ համայնքի տրամադրած մի շենքում, որտեղ դեսպանությունը զբաղեցնում էր ընդամենը երկու սենյակ։
Նիկոլ Փաշինյանը շատ կարևոր համարեց գործարքը։

«Ես անձամբ չեմ եղել այդ՝ նախկին շենքում, բայց պատմել են և նաև այն լուսանկարները, որ տեսել եմ, եկել եմ այն եզրահանգման, որ իրեն հարգող պետությունը չի կարող այդ տարածքը համարել դեսպանատուն։ Ասում եք ո՞ւր է մեր դիվանագիտությունը…Մեր դիվանագիտությունը մի այգու մեջ մի իշաոտնուկ դրած, վրան նստած է մեր դրոշն էլ վրան տնկած, ասում ենք` սա մեր դեսպանատունն է։ Այս իրավիճակը շատ երկրների մեր դեսպանատներում է․ մի տեղ տանիքն է կաթում, մյուս տեղում հատակն է ծակ, պատուհանը չկա։ Սա անթույլատրելի է։ Պետություն ունենալը թանկ է,-ասաց Փաշինյանը։

Վարչապետը նաև հայտնեց, որ իր անձնական դիրքորոշումն է եղել, որ բոլոր երկրներում ՀՀ-ն ունենա պատշաճ դեսպանատներ։

«Այո, Հայաստանի հանրապետությունը Լոնդոնում 17 մլն ֆունտ ստեռլինգով առնում է դեսպաանատուն, որը ՀՀ սեփականությունն է»,-ավելացրեց Փաշինյանը։

Աղբյուր` Փաստինֆո