Փաստ ինֆո

Պատերազմը չի ավարտվել, ընդամենը հրադադարի ռեժիմ է։ Վիճակը ծանր է, բայց, եթե բացվում է ճանապարհը՝ այսպես կոչված ինտեգրումը սկսում է կյանքի կոչվել։

Ալիևը ասում է, որ Բաքու-Ստեփանակերտ երկխոսություն կլինի, եթե հայկական զինված ուժերը ամբողջովին զինաթափվեն և Արցախի բոլոր պետական ինստիտուտները լուծարվեն։ Բայց մի կարևոր գործոն, որը Ալիևի ծրագրերը ձախողում է՝ Ռուսաստանի խաղաղապահ զորախմբի ստորաբաժանումն է։ «ՓաստԻնֆոյի» եթերում ասել է ռազմական փորձագետ, պահեստազորի գնդապետ Հայկ Նահապետյանը։

Բանախոսի դիտարկմամբ, անցակետ դնել՝ նշանակում է Բերձորի միջանցքի ստատուսը փակել։ Անցակետը դրվեց, որովհետև Հյաստանի օրվա իշխանությունները թույլ տվեցին, որ Ադրբեջանը դյուրին կերպով Տեղ գյուղի տարածքում՝ բարձունքների վրա, մարտական հենակետեր դնի։ Այդ բարձունքներն են վերահսկում անցակետը։

Անդրադառնալով Ֆրանսիայի ակտիվացմանը, փորձագետը նշեց, որ վերջին երկու տարում Ֆրանսիան Ադրբեջանի հետ գազային և նավթային պայմանագրերի թվաքանակը ավելացրել է։ Ֆրանսիան էր, որի ռազմական արբանյակները 44-օրյա պատերազմի ժամանակ օդային մարտեր էին կառավարում, տեղեկություններ էին փոխանցում Ադրբեջանի օդուժին։ Ֆրանսիայի շահերի սպասարկման մեջ կարևոր գործընկեր է Ադրբեջանը։ «Ֆրանսիան միակ պետությունն է, որի էներգիան արտադրվում է ատոմակայաններում, որի հումքը ուրանն է։ Այդ հումքը գալիս էր Նիգերից, իսկ հիմա, հավանաբար, իրենք գնելու են ուրանի վաճառքով զբաղվող Ղազախստանից։

Ղազախստանից բերում է Ադրբեջան, ապա Հայաստանից Սյունիքով Նախիջան, որից հետո Թուրքիա և Սև ծովով Եվրոպա։ Ֆրանսիան ցանկանում է ունենալ ամենակարճ ճանապարհը՝ իր ատոմակայնների հումքը գնելու համար։ Այսպես կոչված «Զանգեզուրի միջանցք»-ի շահառուների թիվը մեկով ավելացավ»,- ասել է Հ․ Նահապետյանը։

Գնդապետը նշում է, որ Ադրբեջանը ռազմական ուժով Արցախը վերցնելու ծրագրից չի հրաժարվել։ Ադրբեջանցիները պլանավորում են առանց խաղաղապահների հետ բախման մտնել Արցախի տարածք, շատ արագ գրավել ռազմական օբյեկտները, անձնակազմը և ոչնչացնել զինտեխնիկան։ «Իմ տվյալներով, մոտ 3000 զինծառայող Ադրբեջանից հատուկ գործուղվել են Ուկրաինա, շուրջ մեկ տարի է նրանք մասնակցում են Ռուսաստանի դեմ Ուկրաինայի պատերազմին և ձեռք են բերում փողոցային պայմաններում մարտեր վարելու ունակություններ»,- հավելել է բանախոսը։

Անդրադառնալով Արցախում խաղաղապահ զորախմբի հրամանատարի փոփոխությանը, բանախոսը նշեց, որ Լենցովը մասնագիտությամբ դեսանտային է, և խոսակցությունների համաձայն, դեսանտայինին գալիս է փոխարինելու տանկիստը։ Եթե այդ անձի մասին է խոսքը, նա 20 տարի դասավանդել է, իսկ դա նշանակում է շփում մարդկանց հետ՝ բանակցություններ վարել, տարբեր իրավիճակներից դուրս գալ։ Այս նշանակումները բվականին ինֆորմատիվ են։ «Մինչև Լենցովի հեռանալը, Ռուսաստանը որոշել էր, որ Ադրբեջանը կարող է տեսականորեն կատարել նշված օպերացիան, իսկ հիմա ուղարկել են տանկիստին։ Կարծում եմ, որ Ռուսաստանը այս նշանակումով քաղաքականություն է փոխում։ Այսինքն, շուտով կունենա երաշխիքներ, որ Ադրբեջանը չի հարձակվի։ Այսինքն, աշխարհաքաղաքական իրողություններ կան, որտեղ Մոսկվան որոշել է, որ Ադրբեջանը չի հարձակվի»- ասել է Հ․ Նահապետյանը։

Մաանրամասները՝ տեսանյութում։

Աղբյուր` Փաստինֆո