Փաստ ինֆո

ՀՀ վարչական, վերաքննիչ վարչական եւ վճռաբեկ դատարաններն ինձ աշխատանքից ազատելու՝ Երեւանի քաղաքապետ Մարությանի կարգադրությունը համարել են ԱՆՕՐԻՆԱԿԱՆ։ Այս մասին ֆեյսբուքում գրել է Համայնքային ծառայության երրորդ դասի խորհրդական, տնտեսագիտության թեկնածու, տեղական ինքնակառավարման փորձագետ Միքայել Սահակյանը.

«Ճիշտ է՝ դատարանն էլ է խփել եւ’ նալին, եւ’ մեխին՝ կարգադրությունը համարել է ապօրինի, սակայն աշխատանքի վերականգման փոխարեն փոխհատուցում է սահմանել։

Քանիցս նշել եմ՝ Կարգին Հայկոն լավ կատակերգու է, սակայն, որպես քաղաքամայր Երեւանի քաղաքապետ, Երեւանի խայտառակությունը։ Ի՞նչ է արել նա Երեւանի համար, որ հիմա էլ դարձյա’լ գովազդում է իրեն՝ հրեշտակի տեղ դրած։
Երեւանի բոլոր քաղաքապետերը կամ քաղաքական թիմերն էլ ավտոբուսներ են ներկրել, դու էլ ես ներկրել, բայց լուծե՞լ ես տրանսպորտի հարցը. ո’չ, միակ դեպքը, երբ որոշվել ու վերջնական ինստիտուցիոնալ փոփոխության նախահիմք էր ստեղծվել տրանսպորտային ամբողջ համակարգը փոխելու համար , ու պետք է այդ ծրագիրը կյանքի կոչվեր 2014-2017թթ էին, որի վրա, ի դեպ, Երեւանի բյուջեից՝ երեւանցիների գրպանից, ծախսվել էր շուրջ 1մլն դոլար՝ մեծբրիտանական կազմակեպությանը վճարելու համար, եկար ու, պատռելով կամ առանց պատռելու, այդ ծրագիրը դեն նետեցիր։

Վերելակները պիտի ամբողջովին փոխեիր, փոխեցի՞ր. ո’չ, մինչ օրս մահվան դեպքեր են գրանցվում։
Աղբահանության խնդիրը ամբողջովին լուծեցի՞ր. ո’չ, 100-ավոր միլիոններ ծախսեցիր, որի նպատակային ու արդարացված լինելը դեռ միանշանակ քննարկման առարկա կդառնա, մի տեսակ շատ «նվերներ» ստացավ ու շատ ծախսեր կատարեց Երեւանն այդ ժամանակահատվածում։

Թափառող շների դեմ էիր պայքարում. թափառող շները շատացել են ու ագրեսիվացել, որոշներն էլ՝ դակված-համարակալված ականջերով իրենց ձագերին են կաթ տալիս։

Կառուցվելիք մետրոյի կայարանի ու շրջանցիկ ճանապարհների եւ էստակադաների մասին էլ, թերեւս, լռեմ։
Երեւանի աշխատակազմն, իբր, ուզում էիր օպտիմալացնել՝ 5-6 հաստիք կրճատեցիր, 50-60-ն ավելացրեցիր։
Շարքը շատ երկար կարելի է շարունակել՝ ընդհուպ հասնելով քո տան անդամին, որը համարյա քո չափ լիազորություններ ուներ ըստ շրջանառվող լուրերի ու փաստերի, մեկ-մեկ էլ՝ ավելի, սակայն դրա փոխարեն հարց ուղղեմ քեզ՝ ինչու՞ ես ապօրինաբար ինձ աշխատանքից ազատման կարգադրություն տվել, բայց, միեւնույն է, հրեշտակի տեղ դրած ես ինքդ քո մասին արտահայտվում։

Կարո՞ղ ես պատասխանել, եւ հետո՝ ի՞նչ ես արել դու Երեւանի համար, կբերե՞ս գեթ 1 ամբողջական ու ավարտուն ծրագրի օրինակ, թեկուզ եւ՝ փոքր։ Ես ինձ իրավունք եմ վերապահում նման հարցադրում անել, քանզի ունեմ հստակ կատարված ներդրումներ. Երեւան քաղաքի 1-ին քառամյա զարգացման ծրագրի համահեղինակն եմ, որն, ի դեպ, մինչ օրս բազիսային փաստաթուղթ է Երեւանի զարգազման բոլոր ծրագրերի համար, Երեւանի արարողակարգի ոլորտի ինստիտուցիոնալ կյանքի կոչման ու կայացման ժամանակահատվածում ղեկավարել եմ այն, այնուհետ՝ համակարգել։ Ունեմ նաեւ այլ գիտականորեն հիմնավորված ներդրումներ Երեւանի կառավարման ու զարգացման ոլորտներում։ Միջազգային տարբեր կապեր եմ հաստատել ու զարգացրել, բարձրացրել եմ Երեւանի հանրաճանաչելիությունը աշխարհի տարբեր երկրներում ու կազմակերպություններում, որն, ի դեպ, քո հայտնվելուն պես օրեցօր նվազեց եւ հասավ պատմական խայտառակ մինիմումի. ոչ մի օտարերկրյա մայրաքաղաքի, խոշոր քաղաքի կամ գոնե գյուղական համայնքի ղեկավար այդպես էլ պաշտոնական այց չկատարեց Երեւան, քեզ էլ չընդունեց իր մոտ։

Դու, թերեւս, ամենավտանգավոր հայախոսներից ես, որը գիտակցաբար բաժանեց հայերին սեւերի ու սպիտակների, ինքդ էլ վերջում մնալով քո բաժանման արանքում՝ գորշ, ավելի շուտ՝ անգույն։
Հիմա, երեւանցիների վճարված հարկերից քո ապօրինի որոշման արդյունքում, դատարանի վճռով Երեանի քաղաքապետարանը պետք է փոխհատուցի ինձ, այդ նույն երեւանցիների գրպանից, որոնցից դու ձայն ես խնդրում, այդ նույն երեւանցիների, ում մոտ կրկին սուրբ ես ձեւանում, սակայն փաստացի ապօրինություն ես արել։ Ի դեպ, ես այն քչերից եմ, ով հետեւողական է եղել ու պայքարել է ապօրինի կարգադրությանդ դեմ 2
տարուց ավելի, այն որոշմանդ, որը կայացրել ես արձակուրդիս ժամանակ, եւ որն արդեն զավեշտալի եւ մարդու իրավունքների կոպիտ խախտում է, իսկ շատերը, ում հանդեպ եւս ապօրինություններ են եղել, գլուխ չեն դրել։

Հիմա դու կրկին եկել ես առաջին պլան՝ որ ի՞նչ անես. գնա’ քո քաղաք՝ Պրահա, տրամաբանական է, չէ՞, եթե 23 գույք ես հայտարարագրել արտասահմանում՝ հիմնականում Չեխիայում, եւ ոչ մի սեփականություն Հայաստանում, Երեւանում, ավելին, օդում կախված լուրերի համաձայն, ընտանիքիդ ամդամներն էլ ՀՀ քաղաքացի չեն (դու էլ համարյա հաստատել ես, սակայն այդտեղ էլ անազնիվ ես՝ խուսափում ես հստակ պատասխանից), ուրեմն քո քաղաքը հաստատ Երեւանը չէ։

Հասկանալի է՝ վերջին ժամանակներում պոպուլիզմի ու ստախոսության ահռելի մեծ չափաբաժին կա քաղաքականության մեջ, բայց քոնը բեմն է, ինչպես դու ես բնորոշում՝ <<կլովունությունը>>, այդտեղ նման հատկությունները գոնե հումոր կարող են ընկալվել։
Աստվածաշունչ ես ցիտում ու զզվում շատ հայերից. հիմա դու ո՞վ ես, երբ արածդ դասական ցինիզմ է։ Իսկ հին ու նոր չիպերից մի խոսիր՝ այդպիսիք չկան. Կան ենթարկվող, հարմարվող, կզող, ծռմռվող ու սողացող «չիպեր» կրողներ եւ կայուն մարդիկ։ Կարեւորը մարդ մնալն է՝ անկախ մասնագիտությունից ու զբաղեցրած դիրքից։
Ու հա՝ դու հաստատ հարիֆ չես։

Հուսով եմ, որ երեւանցիներն այս անգամ չեն սխալվի։

Աստված պահապան Հայաստան ու Արցախ աշխարհներին։ Երեւանի ընտրությունները բան չեն տալու եւ չեն էլ կարող տալ Հայի ու Հայկականության դեմ կատարվող մղձավանջային իրադարձությունները հաղթահարելու հարցում»։

Աղբյուր` Փաստինֆո