Փաստ ինֆո

Նախկինում ապահովագրական վճարները տարբեր դրույքաչափով են իրականացվել. նախկին 250.000-ը դարձավ 500.000 դրամ մաքսային վճարի։ Հիմա արդեն այդ 4 տոկոսը դառնում է 100 տոկոս եւ ներմուծողը պետք է վճարի մաքսային ամբողջ վճարը։ «Փաստինֆո»-ի հետ զրույցում այս մասին ասաց «Վարորդի ընկեր» ՀԿ նախագահ Տիգրան Քեյանը։

Մեքենաների մաքսազերծման ամբողջ գումարի վերաբերյալ նոր օրենքի նախագիծը վերաբերում է ապահովության նոր վճարի միջոցներին։

Այդ խնդիրն, ըստ նրա, նախկինում լուծվում էր այլ՝ բանկային կամ ապահովագրական երաշխիքների միջոցով։ Առաջիկայում կառավարությունը փորձում է դրա լուծումը դարձնել դրամական միջոցով։ Սա, ըստ նրա, տրանսպորտային միջոցը շահագործողին մեծ խնդրի առջև կկանգնեցնի։

«Այն ճանապարհը, որով ուզում են իրականացնել այդ գործընթացը՝ չեմ կարծում, թե ճիշտ որոշում է։ Կառավարությունը պետք է մինչև այդ ներմուծված տրանսպորտային միջոցների վարորդների դեպքում, մինչև մեքենայի շահագործումից հանելը կամ վաճառքը նախկին մեթոդները գործեին։ Իսկ օրենքի ուժի մեջ մտնելուց հետո ներկրվող մեքենաների դեպքում արդեն թող գործեր նոր կարգը։ Այդ մարդիկ պետք է շարունակեն իրենց շահագործում այնպես, ինչպես նախկինում, քանի որ հակառակ դեպքում իրենք գույքային մեծ վնաս կկրեն»,- ասաց նա։

Այդուհանդերձ, Քեյանի խոսքով՝ եթե ներկայիս 250.000-500.000 դրամն, այսպես ասած, անվերադարձ վճարներ են, և դրանք վճարվում են ծառայության համար։ Նոր փոփոխության ներդրման դեպքում նախատեսվող վճարը դառնում է կանխավճար։

«Հետո այդ մեքենան արտահանելիս գումարը վերադարձնում են»,- ասաց նա։

Մեքենաների ներմուծմամբ զբաղվող կազմակերպության ներկայացուցիչը, սակայն, համոզված է, նոր փոփոխությունը նոր բեռ է դառնալու քաղաքացիների վրա։

«Շատ վատ կլինի, որովհետև իմ ծանոթներն էլ հիմա վարում են ու իրենց համար գումարի շատ մեծ կորուստ է լինելու։ Պատկերացրեք, ինքը 3500 դոլար փող է տվել այդ մեքենային։ Հիմա, եթե Դուք Վրաստանում ցանկանած որևէ գործարք անեք, մանավանդ մեքենա վաճառեք, հավատացեք, կես գնից պակաս կառնեն Ձեզնից։ Մանավանդ, եթե իմանան, որ մեքենաները Հայաստանից պետք է գնան, վրացիները մեքենան վաճառելու համար ժողովրդին հաստատ քամելու են»,- ասաց նա։

Այդպիսի խնդրահարույց իրավիճակում է հայտնվել մեր մեկ այլ զրուցակից։ Իր խոսքով՝ ինքը Վրաստանից իր մեքենան ներմուծել է՝ վճարելով մաքսատուրքի մինչև 4 տոկոս գումար։ Հիմա օրենքի ուժի մեջ մտնելու դեպքում ստիպված է լինելու վաճառել այն։

Պետական տուրքի կրկնապատկումը դեկտեմբերին է տեղի ունեցել, 250.000-ից հասավ 500.000-ի։ Դե որ սա էլ եղավ՝ մարդիկ մնում են հեծանիվով էլի։ Դե, որ ընդունվեց, պետք է մեքենան վաճառենք՝ պրծնենք, ի՞նչ անենք ուրիշ։ Կամ էլ փորձենք ինչ-որ այլընտրանքային տարբերակներ գտնել՝ էժան մեքենա գնելու համար, օրինական, թե ապօրինի՝ այդ ժամանակ պարզ կլինի։ Հիմա մարդիկ գնում ու Վրաստանից են մեքենա բերում, որովհետև այնտեղ էժան է։ Այստեղ մեքենաների մաքսազերծումը թանկ է, մարդիկ այդքան հնարավորություն չունեն»,- ասաց նա՝ հավելելով, որ նոր փոփոխությունները պետք է ծառայեն խնդիրների լուծման գործին, ոչ թե նոր խնդիրներ առաջացնեն։

Աղբյուր` Փաստինֆո