Փաստ ինֆո

ՀՀ վարչապետի աթոռին թյուրիմացաբար հայտնված անձի հայտարարությունները մեկնաբանելը դժվար է, քանի որ նա մեծապես զբաղված է Ադրբեջանի և Թուրքիայի քարոզով։ Կառավարության նիստում հնչեցրած միտքը կապված է նրա հետ, որ ինքը առաջարկում է արցախցիներին ինքնակամ լքել Արցախը։ Թե ի՞նչ է ուզում կամ պլանավորում Ադրբեջանը՝ ընդհանրապես կարևոր չէ։ Նիկոլի ամեն նոր հայտարարությունը նոր պարտության մասին հայտարարություն է։ «ՓաստԻնֆոյի» եթերում ասել է քաղաքագետ Արա Վարդանյանը՝ նշել, որ ընդհանրապես պետք չէ լսել Ն․ Փաշինյանին, քանի որ նա կատարում է Ադրբեջանի և Թուրքիայի հրամանները։

Բանախոսի դիտարկմամբ, Արցախում էլ Ն․ Փաշինյանի դրածո Արայիկ Հարությունյանը կարծես թե մտել է վեճի մեջ տարբեր քաղաքական գործիչների հետ, ընդ որում, որոշների հետ՝ Արցախը հանձնելու հարցի կապակցությամբ։ Այսինքն, Ա․ Հարությունյանն է ցանկանում հանձնել Արցախը, բայց կա Ս․ Բաբայան, որը ցանկանում է ինքը հանձնի Արցախը։ Այնպիսի տպավորություն է, որ Արցախում կան կոնկրետ գործիչներ, որոնք համակերպվել են Արցախը հանձնելու գաղափարին և այսօր փորձում են իրենց համար ալիբի ստեղծել ապագա Ադրբեջանի կազմում գտնվող Արցախում ինչ-որ պաշտոն զբաղեցնելու համար։

Քաղաքագետը կարծում է, որ Արցախի նախագահը պետք է ոչ միայն հրաժարական տա, այլև որոշակի բացահայտումներ անի։ «Օրինակ, Ա․ Հարությունյանը կարող է բացահայտել, որ 2018թ․ Ն․ Փաշինյանի և Ի․ Ալիևի վերելակային հանդիպումից հետո, երբ ձեռք բերվեց իրար վրա չկրակելու հայտարարություն, կարծում եմ, Ն․ Փաշինյանը հրամայել է Ա․ Հարությունյանին և Արցախի ՊԲ-ին թույլ տան, որպեսզի ադրբեջանցիները սահմանի ողջ երկայնքով իրականացնեն ինժիներական աշխատանքներ, որոնք էլ պատերազմի ժամանակ հաղթանակի լուրջ նախադրյալ են հանդիսացել։ Պարզապես, Ա․ Հարությունյանը պետք է հանրայնորեն հայտարարի, որ Ն․ Փաշինյանը իրեն ասել է, որպեսզի թույլ տան ադրբեջանցիները դիրքերը առաջ տանեն»,- ասել է Ա․ Վարդանյանը։

Անդրադառնալով հնարավոր ռազմական բախումներին՝ բանախոսը նշեց, որ երեկ շատ լուրջ գործընթաց էր տեղի ունենում հնարավոր ռազմական վերսկսումը կասեցնելու ուղղությամբ։ Մոտ մեկ շաբաթ ադրբեջանցիները օրը 3-4 անգամ ապատեղեկություն էին տարածում, որ հայկական կողմը կրակել է։ Սովորաբար դա անում են, երբ պատրաստվում են պատերազմական գործողությունների։ Սակայն երեկ ԻԻՀ պաշտպանության նախարարը հեռախոսազրույց է ունեցել Ադրբեջանի պաշտպանության նախարարի հետ։ Բացի դա, ՀՀ պաշտպանության նախարարը մեկնել է Մոսկվա։ Այս երկու հանգամանքը հաշվի առնելով, պետք է եզրակացնենք, որ թե՛ Իրանում, թե՛ Ռուսաստանում քաջ գիտակցում են, որ տարածաշրջանում Հայաստանն ու Ադրբեջանը գործում են միասին և որոշել են, որ պետք է Ադրբեջանի կողմից հարձակում լինի։

Ռուսաստանն ու Իրանը փորձում են զսպել հնարավոր ռազմական ագրեսիայի սկիզբը։

«Ալիևը բազմիցս ասել է, որ Սևանը իրենցն է։ Ավելին, Փաշինյանը և իր թիմը վերջերս սկսել են խոսել ջրի սակավությունից։ Չեմ բացառում, որ սպասվող ռազմական գործողությունները լինեն Սևանի մի ափը գրավելու ուղղությամբ»,- ասել է Ա․ Վարդանյանը։

Մանրամասները՝ տեսանյութում։

Աղբյուր` Փաստինֆո