Փաստ ինֆո

Մեզ համար էական են ոչ թե հարթակները, այլ բոլոր այդ հարթակներում ձեռք բերված պայմանավորվածությունները։ Բելգիայի ԱԳ նախարարի հետ համատեղ ասուլիսի ժամանակ այս մասին հայտարարեց ՀՀ ԱԳՆ Արարատ Միրզոյանը՝ հավելելով, որ Հայաստանը բարձր է գնահատում ցանկացած օբյեկտիվ, անաչառ ու չեզոք միջնորդության ուղղությամբ արվող քայլ։

«Ցավոք սրտի, մենք մի քանի անգամ արդեն ականատես ենք եղել ու մասնակցել իրավիճակի, երբ հանդիպման ընթացքում պայմանավորվածություն է ձեռք բերվում, հետո, իրականության մեջ, գետնի վրա, մենք այդ պայմանավորվածությունների իրականացումը չենք տեսնում»,- արձանագրեց Միրզոյանը։

Այս համատեքստում Արարատ Միրզոյանն ընդգծեց, որ մինչ օրս ադրբեջանական ղեկավարության կողմից չի հնչել Հայաստանի տարածքային ամբողջականության ճանաչման վերաբերյալ որևէ հրապարակային հայտարարություն՝ այն դեպքում, երբ այդպիսի խոսակցություն եղել է փակ հանդիպումների ժամանակ։

«Այս փաստը կարող է վկայել այն մասին, որ Ադրբեջանը տարածքային հավակնություններ ունի Հայաստանի Հանրապետության նկատմամբ։ Եվ ոչ միայն չեն պահվում պայմանավորվածությունները, այլև մենք ճիշտ հակառակ գործընթացների ենք ականատես լինում։ Մինչ մենք խոսում ենք այն մասին, որ ԼՂ–ի ժողովրդի իրավունքների ու անվտանգության հասցեագրումը պետք է լինի կարգավորման մաս, իրականության մեջ մենք տեսնում ենք Լաչինի միջանցքի ապօրինի արգելափակման միջոցով մի ամբողջ ժողովրդի պաշարում, սովամահության մատնում, անհրաժեշտ դեղորայքից զրկում և այլն»,– ասաց Հայաստանի արտաքին գերատեսչությանղ ղեկավարը։

Մանրամասները՝ տեսանյութում

Աղբյուր` Փաստինֆո