Փաստ ինֆո

Գլոբալ առումով, իհարկե, Հայաստանի օրվա իշխանությունները պայմանավորվում և համաձայնեցնում են իրենց քայլերն Ադրբեջանի իշխանությունների հետ և, այս իմաստով, բոլորովին պատահական չէր, որ Ալիևը հայտարարեց, թե 2018 թ.-ի հեղափոխության, իսկ իրականում՝ դավադրության իրականացման մեջ իրենք իրնց բաժին ավանդն ունեն, որ դա նաև իրենց ջանքերով է իրականություն դարձել։ Առհասարակ, այն, ինչ կատարվել է 2018 թ-ից սկսած և գուցե նաև դրանից առաջ ՀՀ-ում, իհարկե, որոշակի սցենարի մեջ է եղել, սակայն, կոնկրետ երեկ Կապանի օդանավակայանի ուղղությամբ հնչած կրակոցները, չեմ կարծում, թե պայմանավորվածության արդյունք լինեին,- «Փաստինֆո» լրատվականի հետ զրույցում ասում է քաղաքագետ Ստեփան Դանիելյանը ։

Հիշեցնենք՝ այսօր գիշեր ժամը 04։24-ին ադրբեջանական կողմից, դեռեւս չպարզաբանված ավտոմեքենայով Հայաստան-Ադրբեջան սահմանագծի ՀՀ Սյունիքի մարզի Կապանի «Սյունիք» օդանավակայանի հարակից տարածք եկած անհայտ անձը Ադրբեջանի տարածքից երեք կրակոց է արձակել Կապանի «Սյունիք» օդանավակայանի ուղղությամբ եւ հեռացել։ Փամփուշտներից երկուսը վնասել են օդանավակայանի պատուհաններից մեկը եւ տանիքը։ Ադրբեջանի իշխանություններին կոչ ենք անում պատշաճ քննություն իրականացնել դեպքի առիթով եւ միջոցներ ձեռնարկել նման միջադեպերի կրկնությունը բացառելու համար։

Նշենք, որ Կապանի օդանավակայանի ուղղությամբ հնչած կրակոցներին նախորդել էր ՀՀ-ում վարչապետ աշխատող անձի Կապան կատարած այցը, որը վերջինս իրականացրել էր օդային ճանապարհով՝ վայրէջք կատարելով հենց Կապանի օդանավակայանում։

Ստեփան Դանիելյանը հավելում է՝ Ադրբեջանն, իր առջև դրված խնդիրներին հասնելու համար, հեթական անգամ ուժային մեթոդներ է կիրառել։ Կապանի օդանավակայանի ոււղությամբ արձակած կրակոցները ճնշման մեթոդներից մեկն է, ինչպես որ նրանք քաղաքացիներ են առևանգում, պատանդներ են պահում, ամիսներ շարունակ տոտալ շրջափակման մեջ են պահում 120.000 մեր հայրենակիցների և այլն. «Ադրբեջանն իր նպատականերին հասնելու համար շատ հստակ քաղաքականություն է վարում, իր տեսակետից՝ շատ գրագետ է, փոխարենը մենք տեսնում ենք, որ այստեղ՝ Հայաստանում, օրվա իշխանությունները որևէ տեսակի հակազդող քաղաքականություն, ուղղակի, ի վիճակի չեն վարել, որևէ խնդիր չեն կարողանում լուծել և արդյունքում՝ ամեն ինչ տապալում են։ Ստացվում է, որ ՀՀ տարածքում ընդամենը մեկ ինքնաթիռ է թռչում և նույնիսկ դա Ադրբեջանը վերահսկում է և փորձում խոչընդոտել։ Սա խոսում է երկրում տիրող անիշխանության մասին»,- ասում է քաղաքագետը։

Խոսելով Հայաստանի Հանրապետության սահամնների ուղղությամբ վերջին օրերին խիստ ինտենսիվ բնույթ ստացած կրակոցների մասին՝ Ստեփան Դանիելյանը նկատում է՝ իհարկե երևույթը նոր չէ, սակայն սա իր հստակ բացատրությունն ունի՝ այսպես Ադրբեջանը փորձում է լուծել, այսպես կոչված, Զանգեզուրի միջացնքի հարցը. «ՀՀ -ում բանակը, կարելի է ասել, ծրագրավորված քայքայվում է, որովհետև բանակում անհասկանալի գործընթացներ են ընթանում, այդ ոլորտում, մեղմ ասած, անհասկանալի մարդիկ են հայտնվել և այն։ Ահա այս ֆոնին, Ադրբեջանն իր առջև խնդիր է դրել՝ լուծելու Սյունիքում միջանցք ստանալու հարցը և բոլոր քայլերն, այդ թվում նաև՝ Լաչինի միջանցքի փակումը, այդ խնդրի լուծմանն է ուղղված։ Իրենց տեսակետից՝ Արցախի հարցն, արդեն, փակված է, սակայն, իրականում ամեն ինչ ավելի բարդ է, որովհետև հենց այստեղ է, որ բախվում են աշխարհաքաղաքական շահերն ու մրցակցությունը, իսկ Արցախն այս պրոցեսներում, ռուսական զորքի ներկայության իմաստով, խիստ կարևոր նշանակություն ունի։ Սակայն, հիմնական խնդիրը, որ այս պահին ինչպես Ադրբեջանն ու Թուրքիան, այնպես նաև Արևմուտքը փորձում են լուծել՝ Զանգեզուրի միջանցքի հարցն է։ Հետևաբար, վերոհիշյալ ուժերի կողմից, այս փուլում կատարող բոլոր գործողութուններն արվում են, արդեն, ոչ թե Արցախի, այլ Սյունիքի թիրախավորմամբ»,- ասում է բանախոսը։

Հարցին՝ արդյո՞ք վերջին օրերի ընդգծված լարվածությունը կվերածվի՞ ռազմական բախումների ՀՀ տարածքում, քաղաքագետ Ստեփան Դանիելյանը չի բացառում, սակայն հիշեցնում է՝ քանի որ սա առաջին դեպքը չէ, երևույթը վերջին տարիներին։

Աղբյուր` Փաստինֆո