Փաստ ինֆո

«Փաստինֆո»-ի տեղեկություններով՝ համացանցում տարածված սահմռկեցուցիչ տեսանյութի կինը, որը, իր անչափահաս աղջիկ երեխային մերկացնում ու ծաղր ծանակի է ենթարկում, ավելին՝ դրան մասնակից դարձնելում նաեւ անչափահաս մյուս երեխաներին ու հորդորում տեսանկարահանել այն, Գավառի բնակչուհի Աննա Արևշատյանն է, որի ամուսինը՝ Թաթուլ Մադաթյանը, կալանավորվել է անչափահասներին սեռական բռնության ենթարկելու համար։ «Դատալեքս» դատական-տեղեկատվական համակարգում Թաթուլ Մադաթյանի վերաբերյալ գործի տվյալները սահմանափակ են։ ԲԴԽ-ից «Փաստինֆո»-ի հետ զրույցում հայտնեցին, որ գործը դատաքննության փուլում է։

Բացի այդ, պարզվում է Աննա Արևշատյանը ևս ժամանկին հայտնվել էր ամբաստանյալի աթոռին՝ աշխատանքային թրաֆիքինգի ենթարկվելու մասին սուտ մատնության համար, մեղավոր ճանաչվել, սակայն պատիժը պայմանականորեն չի կիրառվել։ Արևշատյանը 2017թ. 8 օր գտնվել է կալանքի տակ։

Գավառի բնակչուհի Աննա Արևշատյանը հինգ երեխա ունի։ Հատկանշական է, որ նման խնդրահարույց ընտանիքը, որտեղ հայրը կալանավորված է եղել անչափահաս երեխային բռնաբարելու համար և չի բացառվում, որ կինը, որը բռնության է ենթարկում և երեխաներին հորդորում տեսանկարահանել փաստացի մանկական պոռնոգրաֆիկ բնույթի տեսանյութ, չի գտնվել մարզային ու քաղաքային սոցիալական աշխատողների ուշադրության ու հսկողության ներքո ։ Հարց է առաջանում, թե ինչու պատկան մարմիններն առ այս պահը չեն լուծել երեխաների խնամակալության հարցը՝ խեղելով երեխաների ճակատագիրը։ Հատկապես, երբ պատկան մարմինների անգործության հետևանքով 2020թ. արդեն ունեցել ենք ողբերգական դեպք՝ Խաշթառակում, երբ ընտանեկան բռնության հետևանքով մահացել է մանկահասակ երեխա, ևս 6 անչափահաս ենթարկվել են բռնության։

Հիշեցնենք, որ համացանցում տեսանյութ է տարածվել, համաձայն որի՝ կինը, որին երեխաները մայր են անվանում, նվաստացնում, մերկացնում, ֆիզիկական և հոգեկան տառապանք է պատճառում ավագ դստերը՝ ներգրավելով մյուս երեխաներին նույնպես։

Իրավապահներն արդեն ընթացք են տվել դեպքին։ ՆԳՆ ոստիկանությունից հայտնել են, որ կինը հայտնաբերվել է և գտնվում է ոստիկանությունում։ Հայտնի է, որ կինը ոստիկանությունում պատմել է, որ տեսանկարահանումն իրականացրել է՝ վճարի դիմաց, իսկ թե ով է պատվիրատուն՝ կինն իբրև չի ճանաչում։ Եթե քննությամբ հաստատվի նշված հանգամանքը, ապա, ի թիվս այլնի, արարքում առկա կլինի նաև երեխային թրաֆիքինգի ենթարկելու հանցագործության հատկանիշներ։

Հեղինակ՝ Իզաբել Սահակյան

Աղբյուր` Փաստինֆո