Փաստ ինֆո

ՄԱԿ-ը վաղուց վերածվել է խոշոր խաղացողների ակումբի: Այստեղ չկա միավորված ազգրի կազմակերպություն իր բուն իմաստով: Այստեղ կան շահերի բախումներ և ուժեղները ՄԱԿ-ում կարողանում են ստանալ իրենց հարմար որոշումները: Նրանք, ովքեր հույս են կապել ՄԱԿ-ի հետ՝ առնվազն միամիտ են, կամ, այդպես ներկայանում են: ՄԱԿ-ի որոշումը ոչնչով չի տարբերվում անատամ հայտարարություններից, որոնք միշտ անում են միջազգային կառույցները: «ՓաստԻնֆոյի» եթերում ասել է գրականագետ Սերժ Սրապիոնյանը:

Բանախոսի դիտարկմամբ, Արցախում սահուն կերպով իրականացվող ցեղասպանությունը կարողացան ներկայացնել որպես հումանիտար աղետ: Այստեղ ուղիղ իմաստով մարդկանց սպանելու քաղաքականություն է վարվում: «Հատուկենտ արցախցիներ են փրկվելու այդ ցեղասպանությունից: Դրանք այն մարդիկ են, որոնք մեռնող ախցախցիների արյան վրա բարգավաճում են, իրենց ընտանիքներին տեղավորել են հեռուներում և նրանց ընտանիքներից որևէ մեկը սովամահության կամ խանութների հերթերում չկա»,- ասել է Ս. Սրապիոնյանը:

Անդրադառնալով ԵՄ-ի դիրքորոշմանը, բանախոսը նշեց, որ Եվրոպային ձեռք չի տալիս Ադրբեջանին անգամ թեթև նեղացնելը, քանի որ լիուլի սնվում են ադրբեջանական նավթադոլարներով: Ադրբեջանը թքած ունի բոլոր նրանց վրա, ում կաշառքով գնել է: Եվրոդիտորդներն ու ԵՄ-ը Ադրբեջանի ստրուկնրն են: ԵՄ-ը այստեղ ուզում է հաստատվել ընդդեմ Ռուսաստանի, որը մեր բնական դաշնակիցն է՝ իր անձնական շահից ելնելով:

Հայ զինծառայողների և քաղաքացիական անձանց առևանգման առնչությամբ փորձագետը անհանգստություն հայտնեց, որ զինվորների տեղերը թշնամուն հայտնում են Հայաստանից կամ Արցախից: Սա վախի մթնոլորտ ստեղծելու քաղաքականություն է: Զինվորներին միտումնավոր ուղարկում են այն ուղղությամբ, որտեղ հնարավոր է ձերբակալվեն: Ոչնչացնում են այն սերունդը, որը ի զորու է պայքարել:

Անդրադառնալով հասարակության վարքագծին, բանախոսը նշեց. «Ժողովուրդը գիտի՝ այս խունտան պետք է հեռանա: Ժողովուրդը պատրաստ է ցանկացած միջոցով հեռացնել նրանց»:

Մանրամասները՝ տեսանյութում:

Աղբյուր` Փաստինֆո