Փաստ ինֆո

Մեզ ձերբակալեցին այն բանից հետո, երբ Մաշտոցի պուրակում մեր ունեցած փոքր քննարկումից հետո որոշեցինք վրան տեղադրել՝ մեկշաբաթյա քաղաքական քննարկումներ իրականացնելու և նախաձեռնության կորիզ ձևավորելու համար։ «Փաստինֆո»-ի հետ զրույցում այս մասին ասաց հանրային քաղաքական գործիչ Սուրեն Սահակյանը։

«Եթե մի բառով ասեմ՝ առկա իրավիճակն աղետալի եմ գնահատում։ Ես չեմ տարբերում Արցախի խնդիր ու Հայաստանի խնդիր։ Կարծում եմ, որ դա հայկական գործոնի չեզոքացման հարցն է։ Հենց այդ հարցերն էլ ցանկանում էինք քննարկել՝ իրավիճակից ելքեր գտնելու համար»,- ասաց նա՝ հայտնելով, որ դեպքը տեղի է ունեցել 00։30-ի սահմաններում։

Նրա խոսքով՝ իրենք վրանը ցանկացել են տեղադրել՝ եղանակային եղանակային պայմաններից պաշտպանվելու և քնելու համար իրենք վրան են ցանկացել տեղադրել։ Ոստիկանությունն արգելել է վրանի տեղադրումը, իրենք, սակայն, չեն դադարեցրել աշխատանքը։ Այդ ամենին հետևել է ձերբակալությունը։

«Ստեղծված այս բարդ քաղաքական իրավիճակում լուծման մասին շատ երկար կարելի է քննարկել։ Ես, իրականում, պարապ մարդ չեմ, որ գնամ, մի շաբաթով կտրվեմ գործերիցս։ Այդ քննարկումների միջոցով մենք կարող էինք քաղաքացիների հետ համաձայնության գալով փոխել այս իրավիճակը։ Դրա գործուն քայլերը ևս մտածել եմ, ուղղակի պետք է դա քննարկենք, որ դա լինի ոչ թե իմ, այլ մարդկանց ու քաղաքացիների համաձայնությամբ ձևավորված քայլեր լինեն».- ասաց նա՝ դեռևս չմանրամասնելով, թե ինչ քայլերի մասին է խոսքը։ Այդուհանդերձ, Սահակյանը վստահեցրեց, որ իրենց քայլերն այսքանով չեն ավարտվելու։

Նա նաև «Փաստինֆո»-ին հայտնեց, որ ձերբակալությունից հետո իրենց ոստիկանությունում պահել են 3 ժամ։

Հիշեցնենք, որ «Քաղաքացու որոշում» կուսակցության հիմնադիր, հանրային քաղաքական գործիչ Սուրեն Սահակյանը, կուսակցության անդամներ Վահագն Մինասյանը և Հայկ Սահակյանը ոստիկանության ծառայողների կողմից բերման են ենթարկվել Վարչական իրավախախտումների վերաբերյալ օրենսգրքի 182-րդ հոդվածի հիմքով՝ ոստիկանության ծառայողի օրինական պահանջը չկատարելու համար։ ՀՀ ՆԳՆ-ից «Փաաստինֆո»-ին հայտնել էին, որ նրանց նկատմամբ կազմվել է արձանագրություն, նրանք արդեն ազատ են արձակվել։

Աղբյուր` Փաստինֆո