Փաստ ինֆո

Այս երկրի ողջ իշխանությունը թմրամոլ է, նստած են դրա վրա։ Նրանք անում են ամեն ինչ՝ երկիրը թմրամոլների երկրի վերածելու համար։ «Փաստինֆո»-ի հետ զրույցում ասաց ՀՀ նախկին փոխոստիկանապես Գագիկ Համբարձումյանը։

Անգամ պաշտոնական վիճակագրության համաձայն՝ Հայաստանում կտրուկ ավելացել են թմրամիջոցների, հոգեմետ (հոգեներգործուն) նյութերի հետ կապված հանցագործությունները։ Մեկ տարվա ընթացքում աճը գրանցվել է շուրջ 76 տոկոսով. Դատախազության հրապարակած վիճակագրության համաձայն՝ 2021 թվականին գրանցվել էր թմրամիջոցների շրջանառության 974 դեպք, իսկ 2022 թվականին արդեն՝ 1717 կամ 76.3%-ով։

«Բա, իհարկե, Հայաստանում թմրաշրջանառությունը պետք է շատանար ու ավելի է շատանալու։ Ուրիշ ի՞նչ էիք ակնկալում։ Օրենք են ընդունում՝ արտադրական կանեփի աճեցման համար։ Ցանկացած դեբիլ կարող է հասկանալ, որ եթե մի տեղում թույն են արտադրում, ապա այդ միջավայրը մի օր անպայման թունավորվելու է»,- ասաց նա՝ ստեղծված իրավիճակը համեմատելով կաուչուկի ու ցեմենտի արտադրության գործընթացների ու թափոնների հետևանքների հետ։

Ըստ Համբարձումյանի՝ իշխանությունների նպատակն այսպիսով հասարակության, հատկապես երիտասարդ սերնդի դեգրադացումն է, որից հետո, ըստ նրա, ավելի հեշտ կլինի նրանց կառավարելը։ Երկրորդ, ոչ պակաս կարևոր խթանն էլ, ըստ նախկին փոխոստիկանապետի, գումարի հսկայական ծավալների ներհոսքն ու շրջանառությունն է։
«Ընդ որում, այդ գումարը շատ արագ հոսք ունի։ Ձեզ ապացույց՝ այսօր առնվազն ողջ Երևանը կորած է թմրանյութերի կիրառման ու շրջանառության մեջ։ Ընդ որում, դա տեղի է ունենում գրեթե բացահայտ՝ ո՛չ միայն այդ տելեգրամ ալիքներով, այլև ընդհանրապես, բարերում, ակումբներում ու մի շարք այլ վայրերում։ Այդ ամենն իրականացվում է իշխանության հովանու ներքո։ Տենց էլ պետք է լիներ, «ապագա»-ն եկել է։ Ուրի՞շ «ապագա» էին սպասում»,- ասաց նա։

Համբարձումյանը համոզմունք հայտնեց, որ այս իշխանությունների կողմից այս ամենն իրականացվում է գիտակցաբար ու դիտավորյալ՝ երկիրն ու ժողովրդին կործանելու համար։
«Այն, ինչ նախաձեռնություն իրականացնում են, անգամ եթե լավ բան են ասում, միշտ նկատի ունեցեք, որ դրա տակ մի ստոր, հակաժողովրդական ու հակապետական գործոն կա թաքնված։ Օրինակ՝ երբ այդ վարչապետ կոչեցյալ ստահակն ասում էր, որ Հայաստանի բնակչության թիվը պետք է հասցվի 5 մլն.-ի, բոլորը ծաղրում էին... իսկ նա ուղղակի էր իր միտքն արտահայտում։ Հիմա դա մեր աչքի առջև է. երկիրը լցրել է հնդիկներով, պակիստանցիներով, չգիտեմ՝ այլասերված ԼԳԲՏ-ներով։ Այսինքն, այն, որ մի պահ անգամ դրական է թվում, դրա տակ թաքնված ստոր նպատակներ ու ցանկություններ է պարունակում»,- ասաց նա։
Այս առումով, անդրադառնալով թմրամիջոցների դեմ հայտարարվող պայքարին՝ Համբարձումյանն ասաց, որ դրա տակ առավելապես պետք է փնտրել ոչ միայն փողերի լվացման, այլև պարզապես պայքարի իմիտացիա ստեղծելու միտքը։ Ըստ նրա՝ թմրամիջոցների դեմ չնայած պայքար մղվում է իրավապահների կողմից, բայց դա խնդրի լուծում լինել չի կարող։ Նրա խոսքով՝ լուծում կարող է լինել միայն այն դեպքում, երբ դրա դեմ սկսեն պայքարել հասարակության ներկայացուցիչներն ու կառույցները։
«Բոլորի, հատկապես իրավապահ ոլորտի համար աշխատանքի գնահատման ցուցանիշը ոչ թե այդ հանցատեսակի նվազումն ու բացահայտումն է, այլ հանցավոր կլանի իշխանության պահպանումը, նրանց ընտանիքի ու շրջապատի անվտանգությունն ու ջանքերի գործադրումը՝ ընդդիմադիր գործիչների ու անձանց հետ հաշվեհարդար տեսնելու գործում»,- ասաց նա։

Երկրում ստեղծված իրավիճակը կարգավորելու և խնդրի լուծման հասնելու համար, ըստ «Փաստինֆո»-ի զրուցակցի, պետք է գործուն քայլեր ձեռնարկել՝ ներկա իշխանություններից ազատվելու ուղղությամբ։

«Այս ստահակների վիզը պետք է ոլորել և վռնդել։ Մտցնել խցերը, կալանավորել, բաց ու ցուցադրական դատավարություն իրականացնել։ Հետո վանդակների մեջ ամեն թաղամասում դնել մի ամիս, որ բոլորը գան- տեսնեն, թե ինչպես է լինում այդպիսի դեպքերում»,- ասաց նա։

Աղբյուր` Փաստինֆո