Փաստ ինֆո

ԱՄՆ Միսիսիպի նահանգում ոստիկանության վեց նախկին աշխատակիցներ երկուշաբթի ընդունել են իրենց մեղքը՝ երկու սեւամորթ տղամարդկանց նկատմամբ խոշտանգումների եւ դաժան վերաբերմունքի մեջ, որոնք կատարվել են ավելի վաղ՝ 2023 թվականին, հաղորդում է CNN հեռուստաալիքը:

«Միսիսիպիի իրավակարգի ծառայության վեց նախկին սպաներ երկուշաբթի ընդունել են իրենց առաջադրված բոլոր մեղադրանքները՝ այս տարվա սկզբին երկու սեւամորթ տղամարդկանց նկատմամբ խոշտանգումների եւ դաժան վերաբերմունքի համար», - ասված է հրապարակման մեջ:

Իրենց մեղքը խոստովանողներից հինգը նախկինում եղել են Ռանկինի շրջանի շերիֆի տեղակալներ, մինչդեռ վեցերորդը ծառայել է Ռիչլանդի ոստիկանության դեպարտամենտում:

Տուժողների հայտարարության համաձայն՝ նախկին ոստիկաններն իրենց հանցագործությունը կատարել են ռասայական հողի վրա 2023 թվականի հունվարին՝ ապօրինի ներխուժելով տուն, որտեղ ապրել են իրենց զոհերը։ Դրանից հետո նրանց ձեռնաշղթաներ են հագցրել և երկու ժամ խոշտանգել, ծեծել, գլուխները ջրի մեջ ընկղմել, էլեկտրաշոկեր կիրառել և սեռական բռնության փորձեր կատարել: Այնուհետև մեղքը խոստովանած ոստիկաններից մեկը ատրճանակը մտցրել Է տուժածներից մեկի բերանը և կրակել՝ «ծանր վնասվածքներ հասցնելով լեզվին և պատռելով ծնոտը»։

Աղբյուր` Փաստինֆո