Փաստ ինֆո

Մենք գիտենք, թե ինչու են Արմեն Աշոտյանն ու շատ- շատերը փակի տակ։ Այն մարդկանց, ում տարբեր պատճառով վախեցրել են, նրանք չեն խոսում։ Ի տարբերություն Արմենի, նրանք ևս կալանքի տակ են, բայց ո՛չ բանտում։

Այս մասին այսօր հայտարարեց ՀՀԿ ԳՄ անդամ Արտակ Զաքարյանը՝ Հակակոռուպցիոն դատարանի դիմաց, որտեղ ընթանում է Արմեն Աշոտյանի կալանքը երկարաձգելու հարցով քննություն։ Զաքարյանի գնահատմամբ՝ այսպիսի գործողությունները մտածված են ու արվում են՝ ժողովրդին երկրի առջև ծառացած հիմնական ու գլխավոր խնդիրներից շեղելու նպատակով։

«Մի բան պետք է շատ լավ հասկանանք ապագայի համար, թե այլևս ինչպիսի իշխանություն չպետք է ունենա ՀՀ-ն։ Սա ամենամեծ դասն էր։ Չպետք է ունենա այնպիսի իշխանություն, որն ամենաճակատագրական պահին, իր ազգային խնդիրներն ու շահերը մի կողմ թողնելով զբաղվի ամեն ինչով, բացի գլխավորից։ Այսօր Արցախը պայքարում է, լուռ, համբերատար՝ սովի, տարբեր տեսակի դժվարությունների, անբավարար պայմանների, շրջափակման, քաղաքական առումով, բոլոր կողմերից ճնշվածության մեջ։ Բայց միևնույնն է, պայքարում է։ Նույն պայքարը տանում է նաև Հայաստանի Հանրապետությունը։ Արմենն այդ պայքարի արդյունք է»,- ասաց նա։

Մանրամասները՝ տեսանյութում։

Աղբյուր` Փաստինֆո