Փաստ ինֆո

Երևան քաղաքի ավագանու ընտրություններին ընդառաջ, Կենտրոնական ընտրական հանձնաժողովում, այսօր ընտրությունների մասնակցության հայտ է ներկայացրել «Ուժը հայրենյաց» կուսակցությունը։ Այս մասին «Փաստինֆո»-ին հայտնեցին Կենտրոնական ընտրական հանձնաժողովի լրատվության բաժնից։

Քաղաքական ուժի առաջին համարը Նելլի Հարությունյանն է։

Այս պահի դրությամբ ԿԸՀ-ում ընտրությունների մասնակցության առաջադրումներ ներկայացրել են քաղաքական 5 ուժեր՝ «Հայաստանի Եվրոպական կուսակցություն», «Ժողովրդավարական համախմբում» և «ՔՊ», «Հանուն սոցիալական արդարության» և «Ուժը հայրենյաց» կուսակցությունները։

Հիշեցնենք, որ կուսակցությունների կողմից հայտերի ներկայացման գործընթացի մեկնարկը տրվել էր դեռևս երեկվանից՝ օգոստոսի 3-ից։ Հայտերի ընդունման գործընթացը կշարունակվի մինչև օգոստոսի 13-ը։ Օգոստոսի 13-ից 18-ն արդեն կիրականացվի գրանցման գործընթացը, իսկ նախընտրական քարոզչության ժամանակահատվածը կկայանա օգոստոսի 23-ից սեպտեմբերի 15-ն ընկած հատվածում։

Ավելի վաղ «Փաստինֆո»-ն հաղորդել էր, որ Երևանում ընտրողների թիվը 25 հազարով նվազել է, իսկ քաղաքական ուժերը չեն շտապում առաջադրվել Երևանի առաջիկա ընտրություններին ընդառաջ։

Աղբյուր` Փաստինֆո