Փաստ ինֆո

Մոսկվայում Չինաստանի դեսպանատունը ռուսական կողմից պահանջել է հետաքննել ՉԺՀ-ի հինգ քաղաքացիների մուտքը ՌԴ, որոնք, նախնական տվյալներով, մինչեւ Ռուսաստան մեկնելը, վիզայի դիմումի մեջ նշել են մեկ այլ անցակետ, ինչը խախտում է ռուսական օրենքներն ու կանոնները, ասված է WeChat սոցիալական ցանցում դիվանագիտական առաքելության պաշտոնական աքաունթում հրապարակված հայտարարության մեջ:

Դեսպանությունը իրավիճակն անվանել է «չին-ռուսական ներկայիս բարեկամական հարաբերություններին» չհամապատասխանող եւ սոցցանցի հաղորդագրության մեջ մեջբերել է ռուսական կողմի հայտարարությունը, որտեղ նշված է, որ ՌԴ-ն միշտ ողջունում է Չինաստանի քաղաքացիների մուտքը երկիր եւ նրանց նկատմամբ խտրական քաղաքականություն չունի:

«Հուլիսի 29 - ին Չինաստանի հինգ քաղաքացիներ, որոնք ցանկանում էին Ղազախստանից մեքենայով Ռուսաստան մտնել Աստրախանի շրջանի Կարաուզեկ անցակետով, կանգնեցրել են, չեղյալ համարել զբոսաշրջային վիզաները եւ մերժել են մուտք գործել երկրի տարածք», - ասված է WeChat սոցիալական ցանցում դիվանագիտական առաքելության պաշտոնական աքաունթում:

ՉԺՀ հյուպատոսության աշխատակիցներն ուսումնասիրել են միջադեպի մասնակիցների կողմից արված տեսանյութը, որից հետևում է, որ ռուս սահմանապահները 4 ժամվա ընթացքում բազմիցս զննել են նրանց, ասվում է հաղորդագրության մեջ:

ՉԺՀ դեսպանատան համապատասխան գերատեսչությունների աշխատակիցները հանդիպել են ՌԴ ԱԳՆ-ի, Դաշնային սահմանապահ ծառայության, անվտանգության դաշնային ծառայության եւ այլ գերատեսչությունների ներկայացուցիչների հետ՝ ռուսական կողմին պատկերացում կազմելու համար՝ հստակ նշելով, որ ռուսական կողմի դաժան եւ չափից ավելի իրավակիրառումը լուրջ վնաս է հասցրել Չինաստանի քաղաքացիների օրինական իրավունքներին եւ շահերին, հայտարարել Է ՉԺՀ դեսպանատունը:

Աղբյուր` Փաստինֆո