Փաստ ինֆո

Նախորդ շաբաթ Լեռնային Ղարաբաղ ուղարկված 361 տոննա հումանիտար օգնությունը շարունակում է գտնվել Սյունիքի մարզի Կոռնիձոր բնակավայրի հատվածում՝ Լաչինի միջանցքի մոտ, որովհետև Ադրբեջանը, կոպտորեն խախտելով նոյեմբերի 9-ի եռակողմ հայտարարության 6-րդ կետը, ապօրինաբար արգելափակում է այդ բեռների մուտքը ԼՂ։ Այդ մասին Գործադիրի նիստում հայտարարեց Նիկոլ Փաշինյանը։

«ՀՀ կառավարությունը ԼՂ մարդասիրական օգնություն ուղարկելու որոշում կայացրեց այն բանից հետո, երբ Կարմիր Խաչը հայտարարեց իր կոմղից ԼՂ հումանիտար բեռներ տեղափոխելու անհնարինության մասին։ Ադրբեջանը համառորեն շարունակում է պնդել, թե միջանքի փակման պատճառը, իրենց ձևակերպմամբ, «հայկական կողմի ռազմական սադրանքն էր»։ Հիշեցնեմ, որ այդ օրն ադրբեջանական կողմը փորձել էր դրոշ տեղադրել Հակարիի կամրջի եզրին՝ ՀՀ տարածքում, և արժանացել է ՀՀ սահմանապահների օրինական հակազդեցությանը։ Հենց Ադրբեջանի վերը նշված գործողությունն է սադրանքը՝ առավելևս, երբ երկու երկրների միջև սահմանզատման աշխատաքները դեռ մեկնարկի փուլում են»,-ասաց Փաշինյանը՝ հավելելով, որ տարբեր տեղերում ուժով դրոշներ դնելու Ադրբեջանի փորձերը սահմանազատումն և խաղաղ գործընթացը վիժեցնելու են նման։

Անդրադառնալով նախօրեին Եվրոնյուզին՝ Ալիևի տված հարցազրույցումհնչեցրած այն մտքին, թե ՀՀ և Ադրբեջանի միջև սահմանները որոշված չեն, Փաշինանը նշեց, թե դրանք 1991թ․Ալմա-Աթայի հռչակագրով են որոշվել՝ ԽՍՀՄ փլուզման պահի եզած վարչական սահմաններով։

«Տպավորություն է ստեծղծվում, թե Արդբեջանի պլանը հետևյալն է՝ Հայաստանի և Ադրբեջանի միջև Ալմա-Աթայի հռչագագրով ֆիքսված սահմանը վիճարկելու տեղ թողնող դրույթներով խաղաղության պայմանագիր ստորագրել և հետագայում սահմանազատման գործընթացում տարածքային պահանջներ առաջադրել ՀՀ-ին։ Եթե ՀՀ-ի և Արդբեջանի միջև սահմանները որոշված չեն, ի՞նչ տարածքների հարց է բարձրացնում Ադրբեջանը տարբեր հատվածներում»,-ասաց վարչապետը և ավելացրեց, թե զորքերի հայելային հետքաշման՝ ՀՀ առաջարկն ուժի մեջ է։
Հանդես գալով ՀՀ անունից՝ Փաշինյանը կրկին ասաց, թե հավատարիմ է միմյանց տարածքային ամբողջականությունը ճանաչելու մասին հայտարարությանը՝ 29,8 և 86,6 քառ․ կմ սահմաններով և սպասում է Ադրբեջանի արձագանքին, որպեսզի «խաղաղության պայմանագրի» շուրջ աշխատանքներ աառջ ընթանան։

«Ադրբեջանը չի հրաժարվում տևական խաղաղության հասնելու հնարավորությունը չեզոքացնելու քայլերից՝ ինչպես օրինակ Բաքու-Ստեփանակերտ երկխոսության շարունակական տորպեդահարումը, Լաչինի միջանցքի ապօրինի ագելափակումը, ԿԽՄԿ միջոցով Հայաստան տեղափոխվող Վագիֆ Խաչատրյանի առևանգումը։ Նրա և պահվող մյուս պատանդների, գերիների ազատ արձակումը խաղաղության օրակարգի ազդարարման քայլ կլիներ։ Որպես դրան նպաստող քայլ՝ կոչ են անում նաև չարգելափակել ՀՀ-ից ուղարկված հումանիտար բեռների մուտքը ԼՂ։ Լաչինի միջանցքի արգելափակումը Հաագայի միջազգային դատարանի որոշումների և նոյեմբերի 9-ի փաստաթղթի կոպիտ խախտում է»,-ասաց Փաշինյանը։

Աղբյուր` Փաստինֆո