Փաստ ինֆո

ՀՀ պաշտպանության նախկին նախարար, կալանավորված մեղադրյալ Դավիթ Տոնոյանն այսօր եւս ներկայացվել էր 44 օրյա պատերազմ հանգամանքներն ուսումնասիրող քննիչ հանձնաժողովի նիստին։ Այն շարունակվել է դռնփակ, սակայն նիստի աշխատանքները շարունակվելու մասին հայտարարվել է դռնբաց ռեժիմով, որի ժամանակ Դավիթ Տոնոյանը քննադատության խոսքեր հղեց ընդդիմությանն ուղղված։

«Հանձնաժողովի մասնակիցների կազմն այսօր էլ չի փոփոխվել, և հաշվի առնելով կրկին իմ խնդրանքն ու իմ հորդորը՝ ընդդիմադիրների մասնակցության վերաբերյալ, գտնում եմ, որ սա իրականում պաշտպանության և անվտանգության հետ հարցերում կորսված պահ է»,- ասել է Դավիթ Տոնոյանը։

Հիշեցնենք, որ Դավիթ Տոնոյանը հրապարակային խնդրել ու հրավիրել էր նաև ընդդիմության անդամների ներկայացուցիչներին՝ մասնակցելու նիստին։ Ընդդիմադիր ուժերի ներկայացուցիչները, սակայն, չէին ներկայացել, քանի որ խորհրդարանական ընդդիմությունն ընդհանրապես բոյկոտում է այս հանձնաժողովի աշխատանքները՝ դրա օբյեկտիվությունը դնելով կասկածի տակ, քանի որ մեծամասամբ բաղկացած է իշխանական պատգամավորներից։

ՀՀ Պաշտպանության նախկին նախարարն առաջարկեց նիստը շարունակել փակ ձեւաչափով՝ հայտարարելով, որ նրանց չներկայանալու դեպքում գերադասելի կլինի, եթե այլևս իրրենց կողմից իր մասով որևէ հայտարարություն ու ելույթ չհնչի։

«Ամեն դեպքում, սա իմ գնահատականն է՝ ինչպիսի շահարկումներ էլ որ շարունակվեն լինել ընդդիմադիրների կողմից, որոնք ես հիմա բաց ասում եմ, որ ինձ համար անընդունելի են»,- ասաց նա։

Որպես հավելում, Քննիչ հանձնաժողովի նախագահ Անդրանիկ Քոչարյանն ասաց, որ նիստին մասնակցելու համար նաև ծնող էր հրավիրվել, որը չի կարողացել ներկայանալ նիստին։ Նրա խոսքով՝ նիստին հրավիրված է եղել նաև հանձնաժողովի անդամ Սամվել Բաբայանը, որը շրջափակման մեջ գտնվող Արցախում է ու չի կարողացել ներկայանալ։

«Ես երեկ խոսել եմ նրա հետ։ Նա նույնպես հետևել է նիստի ընթացքին և ափսոսում էր, որ չկարողացավ իր հարցերն ուղղել»,- ասաց նա։

Աղբյուր` Փաստինֆո