Փաստ ինֆո

Աշխարհում շատ բան է փոխվել, այդ թվում՝ որևէ խաղի կանոն չի պահպանվում: Պոտսդամի խաղի կանոնները ջնջվել են, նորը դեռ չկա: Խնդիրը նրանում է, որ աշխարհն ընդունել է, որ ուժն է ծնում իրավունք: Այն լոզունգները, որը մեր իշխանությունն է ասում՝ չի աշխատելու, բլեֆ է: «Հանձնենք Արցախը հանգիստ ապրենք»-ը չի աշխատելու, որովհետև հետո գալու է՝ «հանձնենք Սյունիք՝ը հանգիստ ապրենք, հանձնենք Սևանը՝ հանգիստ ապրենք, հանձնենք Երևանը՝ հանգիստ ապրենք»: «ՓաստԻնֆոյի» եթերում ասել է քաղտեխնոլոգ Կարեն Քոչարյանը:

Անդրադառնալով Վագիֆ Խաչատրյանի առևանգմանը, բանախոսը նշեց, որ ադրբեջանցիները հստակ ցույց են տալիս, թե ինչ կլինի՝ առնվազն տղամարդկանց 70-80 տոկոսը այս վիճակին են հայտնվելու, կանայք էլ հասկանալի է՝ ինչ են լինելու: «Մենք չենք կարող վստահել որևէ միջազգային կառույցի: Եթե միջազգայնորեն ընդունված որևէ խաղի կանոն չի աշխատում՝ չի աշխատում ոչ մի տեղ: Նոյեմբերի 9-ի փաստաթուղթը ստորագրած բոլոր կողմերն են պատասխանատու այսօրվա 120 հազար կյանքի համար: Ադրբեջանին մի կողմ ենք դնում՝ պարզ է, ցանկացել են իրենց ուզածը անել, շարունակում են անել: Կարծում եմ, որ Հայաստանի իշխանությունները խախտեցին խաղի կանոնները, երբ ընդունեցին Ադրբեջանի տարածքային ամբողջականությունը, որովհետև նոյեմբերի 9-ի փաստաթղթով նման բան չկար: Բայց կա եռակողմ փաստաթուղթը, որտեղ սևով սպիտակի վրա գրված է, որ պետք է մնա այդ միջանցքը, որը կկապի Հայաստանը Արցախի հետ»,- ասել է Կ. Քոչարյանը:

Վերլուծաբանի խոսքերով, Ռուսաստանի հռետորաբանությունը վերջին շրջանում կտրուկ փոխվել է: Որովհետև այս իշխանությունները, բացի Հայաստանից, բոլորի շահերը պարբերաբար փոխելով, փորձելով խաղալ 2-3 լարերի վրա սպասարկում են, ինչի վերջը սովորաբար լավ չի լինում:

Մանրամասները՝ տեսանյութում:

Աղբյուր` Փաստինֆո