Փաստ ինֆո

Թալիշ հայտնի լրագրող, հասարակական-քաղաքական գործիչ Զաբիլ Մահերրամովը իր թելեգրամյան ալիքում համեմատել է ադրբեջանական վայրագությունները հայկական տոլերանտության հետ: Մասնավորապես, նա ուշադրություն է հրավիրել այն փաստի վրա, թե ինչպես են ադրբեջանցիները ավիրել հայկական եկեղեցիներն ու գերեզմանները և դրանց տեղերում ռեստորաններ ու ժամանցային վայրեր կառուցել: Եվ, ի հակադրություն դրա, նշել, թե ինչպես են հայերը պահպանել մզկիթներն ու պատմամշակութային արժեք ներկայացնող հուշարձանները:

Զ. Մահերրամովը, մասնավորապես, գրել է.

«Ադրբեջանցի պատգամավորները կոչ են արել Հայաստանին այցելել Վանաձորի գերեզմանոցում գտնվող իրենց նախնիների շիրիմներին։ Լավ, եթե հայերը մեզ խնդրեն այցելել իրենց հարազատների շիրիմներին, մենք ի՞նչ ենք պատասխանելու։ Մենք այն քանդեցինք և տեղում հյուրանոցներ, ռեստորաններ, ակումբներ և գրասենյակներ կառուցեցինք... սա 90-ականների լուսանկար է։ «Девичья башня»-ի (Բաքվում գտնվող հնագույն ամբրոց – խմբ.) կողքին մի փոքրիկ հայկական եկեղեցի էր, հիշում եմ։ Քանդման վայրում ռեստորան կառուցվեց, բայց Սուսայում (հայկական բռնազավթված Աղավնո – խմբ.) հայերը մզկիթները ոչ թե ավերեցին, այլ կառուցեցին, պահպանվեց սև պայտը, մինարեթն (մզկիթին կից աշտարակ – խմբ.) ու մինբարները (աստիճանաձև բեմ մզկիթներում – խմբ.) մնացին տեղում։ Հիմա համեմատի՛ր քոնի հետ»։

Աղբյուր` Փաստինֆո