Փաստ ինֆո

Ամռան ամիսներին օձի խայթոցների դեպքերը շատանում են: Մեր հանրապետությունում առկա օձերից վտանգավոր են իժերը: Բժշկական համալսարանի ռեկտոր Արմեն Մուրդյանը ֆեյսբուքյան գրառումէ  կատարել՝ փորձելով հնարավորինս տեղեկացված պահել մարդկանց օձերի խայթոցների դեպքում հնարավոր գործողությունների վերաբերյալ։

Այսպես՝ իժի խայթոցին հիմնականում ուղեկցում է ցավը, կապտած այտուցը կծածի տեղում: Երբեմն հնարավոր են ընդհանուր ախտանշաններ՝ թուլություն, սրտխառնոց, փսխումներ, լուծ, փորացավ, գիտակցության կորուստ:

Թունաբանության և մանկական վերակենդանացման կլինիկայի մասնագետների փոխանցմամբ` ախտանշանները կարող են զարգանալ արագ և ազդել երեխայի ընդհանուր վիճակի վրա: Ուստի օձի խայթոցի դեպքում երեխային անհրաժեշտ է պարտադիր հիվանդանոցային հսկողություն և հարկ եղած դեպքում` հակաթույնի ներարկում:

Իժի խայթոցի հանդեպ օրգանիզմի ռեակցիաները խիստ տարբեր են լինում: Ռեակցիայի բացակայությունը պայմանավորված է նրանով, որ կծելիս թույն չի ներարկվել, ինչը պատահում է կծածների մոտ 20-30% դեպքում:

Պետք է հիշել

Հարմար կոշիկները, օրինակ՝ երկարաճիտ կոշիկները, կարող են պաշտպանել օձի խայթոցից (խայթոցիների մեծ մասը պատահում են ձեռքի, ոտնաթաթի կամ կոճի շրջանում):

Սովորեցնել երեխային, որ չի կարելի օձին ձեռքերով բռնել:

Եթե երեխային օձ է խայթել, ապա`
հանգստացնել երեխային, պառկեցնել,

կարելի է խմեցնել ջուր, թեյ, հեղուկներ,

վերջույթն անշարժեցնել և պահել սրտի մակարդակին հավասար, չի կարելի վերջույթը թողնել կախ ըն¬կած, քանի որ այն արագ կայտուցվի,

անհրաժեշտ է տալ ցավազրկող դեղորայք,
երեխային շտապ տեղափոխել հիվանդանոց:

Չի կարելի արտածծել թույնը բերանով. բերանում եղած անգամ փոքր վերքից թույնը կարող է անցնել ձեր օրգանիզմ։
Խայթած հատվածի շրջանում կտրվածքներ մի արեք, մի այրեք կծած տեղը. ցավն արագացնում է արյան շրջանառությունը, ինչը նպաստում է թույնի տարածմանը։

Մի օգտագործեք սառը թրջոցներ և սառցապարկեր. դրանք օգուտ չեն տա տուժածին և կարող են նրա ինքնագիտակցությունը վատացնել։

Օձերի խայթոցների դեպքում չի կարելի տեղադրել լարան՝ սեղմող միջոցներ. սա կբերի տվյալ հատվածի հյուսվածքնեի մեկուսացման, ինչի հետեւանքով տուժածը կարող է կորցնել վերջույթը։

Աղբյուր` Փաստինֆո