Փաստ ինֆո

Թաիլանդի հարավում գտնվող Նարաթիվաթ նահանգում հրավառությունների ֆաբրիկայի պահեստում շաբաթ օրը տեղի ունեցած պայթյունի զոհերի թիվը հասել է 12-ի, հաղորդում է Bangkok Post թերթի ինտերնետային տարբերակը՝ վկայակոչելով նահանգի վարչակազմին:

Ավելի վաղ հաղորդվել էր 9 մարդու մահվան մասին:

Պայթյունի վայրում հայտնաբերվել են 10 մարդու մարմիններ եւ եւս երկու մարդու մարմինների մասունքներ, որոնք դեռեւս նույնականացման ենթակա չեն: Այդ մասին կիրակի օրը հայտարարել է Նարաթիվաթ նահանգի նահանգապետ Սանան Փոնգ-Աքսոնը, որի խոսքը մեջբերում է թերթը: Նահանգի ղեկավարը հստակեցրել է, որ նախնական վերլուծության արդյունքներով մասունքները պատկանում են երկու տարբեր մարդկանց եւ կուղարկվեն ԴՆԹ անալիզի՝ զոհվածների նույնականացման համար:

Նահանգապետի խոսքով՝ պայթյունի հետեւանքով վնասվածքներ եւ այրվածքներ է ստացել 121 մարդ, 111-ն արդեն լքել են հիվանդանոցները եւ վերադարձել տուն, առայժմ հիվանդանոցներում մնացած տուժածներից միայն մեկի վիճակը ծանր է:

Պհոնգ-աքսոնը նաեւ լրագրողներին հայտնել է, որ պահեստը, որտեղ այդ պահին ընթանում էին շինվերանորոգման աշխատանքները, ապօրինի կերպով օգտագործվել է հրավառությունների պահպանման համար, քանի որ պահեստի սեփականատերը թույլտվություն է ունեցել միայն «տարբեր ապրանքներ պահելու» համար, սակայն վտանգավոր, այդ թվում՝ պայթուցիկ նյութեր պահելու լիցենզիա չի ունեցել: Պահեստի սեփականատիրոջը կանչել են ցուցմունք տալու, ասել է մարզպետը։

Աղբյուր` Փաստինֆո