Փաստ ինֆո

Սեքս-սյունակագիր Սալի Լենդը խորհուրդ է տվել ամուսնացած տղամարդուն, որին 15 տարի չի հաջողվում հրաժարվել լավագույն ընկերուհու հետ ինտիմ հարաբերություններից: Այս մասին նա գրել է The Sun պարբերականի իր սյունակում։

Լենդին է դիմել մի տղամարդ, ով պատմել է, որ շարունակում է պարբերաբար սեքսով զբաղվել համալսարանական ընկերուհու հետ, չնայած որ ինքն արդեն երեք տարի ամուսնացած է, իսկ նա նշանված է: Ընկերուհին նրան չի լքում, քանի որ նա կարծում է, որ ինքը լավն է անկողնում: Տղամարդն ինքը չի կարողանում ընդհատել սիրավեպը, քանի որ գաղտնի սիրահարված է աղջկան, բայց չի կարող դա խոստովանել։

Նամակի հեղինակը պնդում է, որ սեփական հարսանիքից հետո կնոջը հավատարիմ է եղել միայն երեք ամիս, իսկ հետո սկսել է դավաճանել ընկերուհու հետ: Այժմ նրանք պարբերաբար հանդիպում են, երբ ընկերուհին մի քանի օրով հեռանում է փեսացուից՝ իբր մոր մոտ հյուրընկալվելու համար։ Նրա խոսքով՝ «նա իր համար թմրանյութի պես է»։

Ի պատասխան Լենդը հիշեցրել է, որ տղամարդն ընկերուհու հետ հարաբերությունների պատճառով կարող է զրկվել ընտանիքից, եւ խորհուրդ է տվել մտածել, թե արդյոք նա իսկապես երջանիկ է իր պաշտոնական հարաբերություններում, եթե սիրուհու հետ կանոնավոր հանդիպումների կարիք ունի: «Լավագույն ռոմանտիկ հարաբերությունները ձևավորվում են ընկերությունից։ Դավաճանությունը ելք չէ: Ավելի լավ է մտածեք այն մասին, որ ձեր կյանքի սերը կարող է ձեր քթի տակ լինել», — գրել է Լենդը։

Նա նամակի հեղինակին առաջարկել է անկեղծ խոսել ընկերուհու հետ և մեկընդմիշտ պարզել, թե իրականում ինչպես են նրանք վերաբերվում միմյանց:

Աղբյուր` Փաստինֆո