Փաստ ինֆո

Նիկոլ Փաշինյանը Արցախի իշխանություններին մեղադրում է Բերձորը հանձնելու մեջ, և 2 օր է իշխանական թևից որևէ արձագանք չկա․ բոլորիս համար մտահոգիչ է։ Հարց է առաջանում՝ Արցախի իշխանություննե՞րն են հանձնել Բերձորը։ Արցախի Հանրապետության Ազգային ժողովի արտահերթ նիստում հայտարարել է «Արդարություն» խմբակցության ղեկավար Դավիթ Գալստյանը։

Նա մասնավորապես խոսել է պատերազմից հետո ռեսուրսների կառավարման խնդիրների մասին:

«2020 թվականի նոյեմբերի 1-ից հետո 70 հոգի իրավաբանական և ֆիզիկական անձինք վարկային փոխառություն են ստացել․ մարդիկ կան՝ 8 մլրդ 438 միլիոն են ստացել, մարդիկ կան, որոնք ստացել են 5 մլրդ 375 միլիոն վարկային փոխառություն», - ասել է ընդդիմադիր խմբակցության ղեկավարը ու կոչ արել իշխանությանն ամեն կերպ աջակցեն, թույլ տան այս գումարները, որոնց մեծ մասը ժամկետանց են, իրենց գործառույթները իրականացնեն, որպեսզի Հայաստանից ոմն մեկը՝ Նիկոլ Փաշինյան անուն-ազգանունով, 120 հազար բնակչության վրա մատ թափ չտա ու ասի՝ գումարներ ենք տվել՝ բադրիջան չեն կարողանում աճեցնել:

Դ. Գալստյանի դիտարկմամբ` Արցախի իշխանության օղակները պարտավոր են պատասխանել Նիկոլ Փաշինյանի մեղադրաքներին, այլապես լռությունը համաձայնության նշան կդիտարկվի։

«Արցախի իշխանություններին մեղադրում է Բերձորը հանձնելու մեջ, և 2 օր է իշխանական թևից որևէ արձագանք չկա․ բոլորիս համար մտահոգիչ է։ Հարց է առաջանում՝ Արցախի իշխանություննե՞րն են հանձնել Բերձորը։ Լռությունը համաձայնության նշան է լինելու․ իշխանություննե՛ր, արձագանքեք փաստերը արձանարող մեկին »,-նշել է նա։

Ավելին, նա ընդգծել է, որ այս բարդ ժամանակահատվածում արցախցին իրավունք չունի անտարբեր մնալ «Նիկոլի ու Արաբաթ Միրզոյանի» հայտարարություններին, թե Արցախն Ադրբեջան է։

«Վա՛յ, Ղարաբաղ, տես՝ ով է քո ճակատագիրը որոշում։ Արցախի թուրքացման ծրագրի իրականացնողը հենց Նիկոլ Փաշինյանն է, նրանից պետք է պահանջել Արցախի ապաշրջափակումը։ Իսկ Փաշինյանն ու իր Էրատո տիկինը թքած ունեն Արցախի վրա։ Տիկի՛ն Էրատո, վերջապես կողմնորոշվեք՝ ո՞վ եք դուք՝ մահապարտ կանանց հրամանատա՞ր, ֆիզիկո՞ս, այգեպա՞ն, բոստանչի՞, թե՞ դավաճան»,- ասել էր նա։

Մանրամասները` «Մեդիահաբ»-ի տեսանյութում:

Աղբյուր` Փաստինֆո