Փաստ ինֆո

Ադրբեջանը 21-րդ դարում շուրջ 120.000 մարդու շրջափակել և սովի է ենթարկում։ Սա միջազգային մարդասիրական իրավունքի և մարդու իրավունքների զանգվածային ոտնահարում է։ Բերձորի միջանցք կատարած այցի ընթացքում այս մասին հայտարարեց Հատուկ հանձնարարություններով ՀՀ դեսպան Էդմոն Մարուքյանը՝ հավելելով, որ ինչպես դիվանագիտական այնպես էլ հումանիտարի մակարդակներում այս մասով ամբողջական աշխատանք է տարվում։ Հումանիտար ճգնաժամը, սակայն, նրա խոսքով, օր- օրի ավելի է խորանում։

Հիշեցնենք, որ հուլիսի 26-ին, առաջին անհրաժեշտության սննդամթերքով ու ապրանքներով 19 բեռնատար մեքենաներ Երեւանից ուղևորվել են Արցախ, սակայն մնացել են ԿոռնիձորումՀաղորդվել էր, որ բեռը տեղ հասցնելու համար կապ էր հաստատվել ՌԴ խաղաղապահ ուժերի հետ: Այդ նույն ժամանակ, ադրբեջանական կողմը հումանիտար օգնության տրամադրման գործողությունները «հերթական սադրիչ գործողություն» էր գնահատել։ Ավելի ուշ, տեղի ունեցածին արձագանքել էր նաև ԵՄ նախագահ Ժոզեֆ Բորելը՝ Ադրբեջանին կոչ անելով բացել Բերձորի միջանցքը՝ հավելելով, որ Ադրբեջանի կողմից առաջարկվող Աղդամի ճանապարհը չի կարող այլընտրանք լինել Բերձորի միջանցքին։

«Դուք երեկ նաև տեսաք, որ Հայաստանում հավատարմագրված բոլոր դիվանագետները, դեսպանները, միջազգային կառույցների ներկայացուցիչներն ԱԳՆ-ում էին, բոլորն էլ ուսումնասիրել են բեռները, տեսել են, բոլորն իրազեկված են։ Այս ամենը ներկայացվել է նաև իրենց մայրաքաղաքներում»,- ասաց նա։

Մրուքյանը հավելեց, որ ՀՀ գործողություններն ու քայլերն այս առումով կանխատեսելի են և համահունչ են հայկական կողմի ստանձնած պարտավորություններին և նոյեմբերի 9-ի եռակողմ հայտարարությունը։

«Ըստ դրա՝ Լաչինի միջանցքը պետք է գործի։ Դա միակ կապն է Հայաստանի Հանրապետության հետ։ Այն ոչ միայն սնունդն ու առաջնային անհրաժեշտության ապրանքները տեղ հասցնելու միջոց է, այլև ՀՀ հետ հատուկ կապի իմաստով է արձանագրված։ Դրա տակ ստորագրել է Ադրբեջանի նախագահը, դրա տակ ստորագրել են ՌԴ նախագահն ու ՀՀ վարչապետը»,- ասաց նա։

Մարուքյանը հույս հայտնեց, որ հայկական կողմին ի վերջո կհաջողվի հումանիտար բեռը փոխանցել ռուսական խաղաղապահ զորախմբին։

Աղբյուր` Փաստինֆո