Փաստ ինֆո

Անիրատեսական խոստումներ տալով Սեղանին առկա լուծումներով, որոնք ամրագրվում են յուրաքանչյուր հանդիպմամբ, հրապարակային հայտարարություններով,Արցախը լուծարվում է Ադրբեջանի կազմում, գոյություն չի ունենալու, Հայաստանից տրվելու են անկլավներ, 85.000-100.000 ադրբեջանցիներ վերաբնակեցվելու են այդ տարածքներում, որոնք լրջագույն խնդիրներ են։ Նման դիտարկմամբ է հանդես եկել ՀՀ արտաքին գործերի նախկին նաախարար Վարդան Օսկանյանը։

շՆա ուշադրություն է հրավիրել այն հանգամանքի վրա, որ Արցախը լուծարվելու է, իսկ 100.000 ադրբեջանցիները, որոնք վերաբնակեցվելու են, ոչ թե լուծարվելու են, այլ, հավանաբար, այդ տարածքների հայտ բնակչությանը լուծարելու են իրենց մեջ։
«Ես քսենոֆոբիայով չեմ տառապում, բայց սա բոլորովին այլ խնդիր է։ Երկարատեւ համակարտությունից, 44 օրյա պատերազմից հետո հապճեպ գնալ նման լուծման, հավատացեք, նոր հակամարտության դուռ է բացելու։ Սա հարցի լուծում չէ»,- ասել է Վ.Օսկանյանն ու ընդգծել, որ այն, ինչ այսօր ՀՀ իշխանություններն անում են իրատեսական չէ։

Նախկին արտգործնախարարի դիտարկմամբ՝ անընդհատ խոսում են (ՀՀ իշխանությունները-խմբ.) մի բանի մասին, որը իրատեսական չէ, հեշտ չէ, իրականացումը ձգձգվելու է, բայց Արդբեջանը չի սպասելու, որովհետեւ հրապարակային խոսքով արդեն խոստացել են ու դա բերելու է պատերազմի։

«44- օրյա պատերազմի պատճառներից մեկը նաեւ սա էր, անիրատեսական ակնկալումներ են առաջացրել հակառակորդի մոտ։ Դրա համար եմ ասում, խնդրում եմ, մի քիչ լռեք, իսկապես լռեք, կան այլընտրանքներ։ Կա հնարավորություն առանց պատերազմ հրահրելու փոխել բանակցությունների տրամաբանությունը»,- նշել է Օսկանյանը։

Լուսանկարը՝ «Սպուտնիկ-Արմենիայի»

Աղբյուր` Փաստինֆո