Փաստ ինֆո

Լավրովի համաձայն, Երևանն ընդունում է, որ ինքն էլ պետք է երաշխավորի ինչ-որ (իմա՝ ադրբեջնական) «փոքրամասնության» «անվտանգությունն ու իրավունքները» Հայաստանի Հանրապետությունում։ Այսպիսով, Փաշինյանն հանձնում է և՛ Արցախը, և՛ Հայաստանի Հանրապետությունը. Արցախը նախապատրաստում է լիակատար հայաթափման, իսկ ՀՀ-ում ադրբեջանական «փոքրամասնություն» ներմուծելու նախադրյալներ ստեղծում՝ երկրի թուլակազմ անվտանգությունն ամբողջապես քայքայելու պարզ միտումով։

Այդ մասին Ֆեյսբուքի իր էջում գրել է ռազմական պատմաբան Արմեն Այվազյանը։ «Ահա թե ինչ է ասել երեկ Ս. Լավրովը.
«Հայկական կողմը հասկանում և ընդունում է, որ անհրաժեշտ է համոզել Ղարաբաղի հայերին. եկել է պաշտոնական Բաքվի ներկայացուցիչների հետ հանդիպման ժամանակը։ Դա հնարավորություն կտա համաձայնեցնել նրանց իրավունքներն ադրբեջանական օրենսդրության շրջանակներում։ Բաքուն և Երևանը փոխադարձ հիմունքներով պատրաստ են երաշխիքներ տրամադրել իրենց տարածքներում ազգային փոքրամասնությունների իրավունքների ապահովման համար»։

[«По словам Сергея Лаврова, у армянской стороны есть понимание – надо убедить армян Карабаха в том, что наступило время для встречи с представителями официального Баку. Это позволит согласовать их права в рамках азербайджанского законодательства. Баку и Ереван на взаимной основе готовы предоставить гарантии обеспечения прав нацменьшинств на своих территориях»] (հղումը՝ ներքևի պատուհանում):

Փաստորեն, ՌԴ արտգործնախարար Ս. Լավրովը բացել է խաղաքարտերը և պարզ ներկայացրել, որ Նիկոլն ու նրա տերերը «Լեռնային Ղարաբաղի հայերի անվտանգություն և իրավունքներ» հասկացության տակ հասկանում են արցախահայերի գոյություն Ադրբեջանի կազմում և օրենսդրության շրջանակներում որպես փոքրամասնություն։ Բոլորին էլ հասկանալի է, որ դա անհնար է և բերելու է Արցախի հայաթափության։ Ավելին, ըստ Լավրովի, պաշտոնական Երևանը հիմա զբաղված է Ստեփանակերտի իշխանություններին համոզելով, որ հե՛նց դա է միակ ճանապարհը։ Զգլխիչ դավաճանություն...

Բայց դա էլ դեռ ամբողջը չէ։ Լավրովի համաձայն, Երևանն ընդունում է, որ ինքն էլ պետք է երաշխավորի ինչ-որ (իմա՝ ադրբեջնական) «փոքրամասնության» «անվտանգությունն ու իրավունքները» Հայաստանի Հանրապետությունում։ Այսպիսով, Փաշինյանն հանձնում է և՛ Արցախը, և՛ Հայաստանի Հանրապետությունը. Արցախը նախապատրաստում է լիակատար հայաթափման, իսկ ՀՀ-ում ադրբեջանական «փոքրամասնություն» ներմուծելու նախադրյալներ ստեղծում՝ երկրի թուլակազմ անվտանգությունն ամբողջապես քայքայելու պարզ միտումով։

Ցեղասպանության անիվը թափ է առնում, իսկ Երևանում ցուցարարներին դեռ քայլեցնում են ու քայլեցնում...»,-գրել է նա։

Աղբյուր` Փաստինֆո