Փաստ ինֆո

Հայ-ադրբեջանական բանակցություններում միջնորդ երկրները՝ Ռուսաստանը մի կողմից, հավաքական Արևմուտքը մյուս կողմից, Միցյալ Նահանգներն ու Իրանը մեկ այլ կողմից, ընդամենը փորձում են արագացնել հայ-ադրբեջանական շրջանակային պայմանագրի ստորագրումը այն պահանջներով, որը շարադրել կամ ներկայացրել է Ադրբեջանը: Հետևաբար, Մոսկվայի և Արևմուտքի միջև որոշակի անառողջ մրցակցություն եմ նկատում՝ կապված, թե ով կարող է ավելի շատ բան առաջարկել Ադրբեջանին: Այս մրցկացությունը Հայաստանի և Արցախի կենսական շահերի հաշվին Ադրբեջանին առավել բարեհաճ ներկայանալու մասին է: Այս բանակցությունները Հայաստանի և Արցախի շահերի հետ ոչ մի աղերս չունեն: «ՓաստԻնֆոյի» եթերում ասել է ՀՀ նախկին վարչապետ Խոսրով Հարությունյանը:

Բանախոսի դիտարկմամբ, ո՛չ Միացյալ Նահանգները, ո՛չ ԵՄ-ն, ո՛չ ՀԱՊԿ-ը, ո՛չ Ռուսաստանը զուրկ չեն Ադրբեջանի վրա ամենատարբեր ճնշումներով Լաչինի միջանցքի բացման խնդիրը լուծելուց:

Հետևաբար, այս պահի դրությամբ նրանք բոլորը փորձում են սիրաշահել Ադրբեջանին: Պատահական չէ, որ հիմնական խաղացողները շտապում են, քանի որ լուրջ բեկում է հնարավոր Ռուսաստան և հավաքական Արևմուտք առճակատման մեջ:

«Փաշինյանի այն թեզը, որ Բրյուսելյան վերջին հանդիպման ընթացքում նրանց չհաջողվեց Լաչինի ապաշրջափակման ուղղությամբ որևէ քայլ կատարել՝ դա Աղդամից ճանապարհ բացելու հնարավորության հավելյալ հիմնավորումն է: Փաշինյանը Արցախի խնդիրը արդեն լուծել է և սա հումանիտար ճգնաժամ չէ, սա ցեղասպանություն է: Ալիևն ու Փաշինյանը նույն դաշտում են խաղում: Այս բոլոր խոսակցությունները որ կան, թե պատերազմի սպառնալիքը չի վերացել, դրանք այլևս Արցախի մասին չեն: Դրանք Սյունիքի միջանցքի մասին են»,- ասել է Խ. Հարությունյանը:

Մանրամասները՝ տեսանյութում:

Աղբյուր` Փաստինֆո