Փաստ ինֆո

Մենք կարող ենք ասել, որ ՌԴ-ն սա պետք է անի, ԱՄՆ-ն սա պիտի անեն, ԵՄ-ն սա պիտի անի, Հայաստանը սա պիտի անի, Ադրբեջանն էլ՝ սա։ Պետք է ձևակերպել նաև՝ իսկ ԼՂ իշխանությո՞ւնն ինչ պետք է անի։ Լրագրողների հետ հանդիպմանն այսպիսի հայտարարություն արել Նիկոլ Փաշինյանը՝ հավելելով, որ Արցախն աղետի գոտի հայտարարելու հանգամանքին զուգահեռ առկա ճգնաժամը կառավարելու հարցում արդյո՞ք ԼՂ իշխանություններն ունեն որևէ անելիք։

«Կարծում եմ, որ իշխանություն լինելու բերչումով ունեն անելիք, և կարծում եմ, որ այդ անելիքը պետք է անեն։ Մենք պատրաստ ենք աջակցել այդ անելիքն անելու հարցում»,- ասաց նա։ Փաշինյանը կրկնեց իր տեսակետը, թե առկա իրավիճակում ներքին ու արտաքին փոխկապակցվախությունների ֆոնին հայտնի մեխանիզմներն այժմ չեն գործում։

Փաշինյանը վստահեցրեց, որ ինքն իր կողմից նախկինում արած որևէ հայտարարությունից չի հրաժարվում, այդուհանդերձ, տեսակետ հայտնեց, որ Արցախի հիմնախնդիրը պետք է դիտարկել աշխարհաքաղաքական տարբեր իրադարձությունների, այդ թվում՝ ռուս- ուկրաինական պատերազմի հանգամանքների կոնտեքստում։

«Այսօր, աշխարհի տարբեր երկրներում ընթացող իրավիճակներ ու խնդիրներ կան, և այդ երկրներից մենք ակնկալում ենք, որ նրանք կլուծեն ինչ-որ խնդիր՝ Լեռնային Ղարաբաղում։ Բայց այդ երկրներն իրենց իսկ ունեցած խնդիրները չեն կարողանում լուծել։ Հիմա իրե՞նք ում մեղադրեն։ Իրենք մեզ են մեղադրում, մենք էլ իրենց և այդպես շարունակ»,- ասաց նա՝ հստակեցնելով, որ այսօրվա ասուլիսի հիմնական ուղերձն այն է, որ մեր բանաձևերով մենք որևէ հարց չենք լուծելու։

Փաշինյանը հայտարարեց, որ պետք է դուրս գալ այն տրամաբանությունից, «որ ամբողջ աշխարհը քնում- արթնանում ու մտածում է՝ բա այս հարցը ոնց լուծենք»։ Նա հայտարարեց, որ դա մեր խնդիրն է, որի պատասխանը մենք պետք է գտնենք՝ այլ մոտեցում ցուցաբերոլով հարցին։ Այդուհանդերձ, լրագրողի հարցին ի պատասխան չմանրամասնեց, թե Բերձորի խնդրի լուծման նախկին մեխանիզմների չգործելու պարագայում հայկական կողմն ինչ նոր գործիքներ կարող է առաջարկել՝ լուծման հասնելու համար։

«Այդ լուծումը մեզ է պետք է առաջին հերթին։ Իհարկե, դա չի նշանակում, որ Ռուսաստանին պետք չէ այս խնդրի լուծումը։ Ռուսաստանում կան խնդիրներ, դրան գումարած, սա Ռուսաստանի համար և՛ ռեպուտացիոն խնդիր է, և՛ քաղաքական, և՛ աշխարհաքաղաքական, որ ՌԴ խաղաղապահ ուժերը գտնվում են ԼՂ-ում, և մեծ հաշվով, այդ առաքելությունը դրված է կասկածի տակ։ Որովհետև երբ ասում ենք հումանիտար ճգնաժամ, և երբ ասում ենք, որ մարդկանց զանգվածային զոհվելու վտանգ կա՝ սկսած նրանից, որ պարենը կարող է այն աստիճանի սպառվել, որ պրոբլեմներ առաջացնի։ Դա շատ մեծ խնդիր է Ռուսաստանի համար՝ իր առաքելության վստահելիության ու իրագործելիության առումով»,- ասաց նա՝ դա համեմատելով նաև Միջազգային Արդարադատության դատարանի որոշման ի կատար չածվելու փաստի հետ։

Աղբյուր` Փաստինֆո