Փաստ ինֆո

Ադրբեջանի պնդումները, թե Արցախի հարցը հանդիսանում է իր ներքին գործը, հիշեցնում են Նացիստական Գերմանիայի ղեկավարության արդարացումները Նյուրնբերգյան դատավարության ժամանակ, երբ զանգվածային սպանությունները նույնպես որակվում էին որպես ներքին գործ։ Հուլիսի 25-ին տեղի ունեցած ասուլիսի ընթացքում հայտարարեց Արցախի Հանրապետության նախագահ Արայիկ Հարությունյանը՝ հիշեցնելով, որ քաղաքակիրթ միջազգային հանրությունը չի ընդունել ընդունել Նացիստական Գերմանիայի ղեկավարության արդարացումները և մերժել է ներքին գործերի պատրվակով մարդու իրավունքների զանգվածային խախտումներ իրականացնելու իրավունքի գոյությունը։

Արցախի նախագահի դիտարկմամբ՝ Ադրբեջանը միտումնավոր Արցախի ժողովրդի համար կյանքի այնպիսի պայմաններ է ստեղծում, որոնք ուղղված են Արցախի ժողովրդի լրիվ կամ մասնակի ոչնչացմանը։ «Միջազգային իրավունքը որակում է նման քաղաքականությունը որպես ցեղասպանություն և պարտավորեցնում միջազգային հանրության բոլոր պետություններին քայլեր ձեռնարկել»,- ընդգծեց Արայիկ Հարությունյանը:

Ա.Հարությունյանն արձանագրել է, որ Արցախն արդեն 225-օր գտնվում է շրջափակման, որից 40 օրը՝ լիովին պաշարման մեջ:
«Հստակ է, որ Ադրբեջանը, միջազգային անպատժելիության պայմաններում, շարունակաբար խստացնում է Արցախի ժողովրդի դեմ իրականացվող բռնաճնշումները՝ էթնիկ զտման անթաքույց նպատակով և էթնիկ ատելության ու խտրականության քաղաքականության հիմքով»,- ընդգծել է Արցախի նախագահը։

Աղբյուր` Փաստինֆո