Փաստ ինֆո

Այսօր ԿԳՍՄՆ նախկին խոսնակ, իսկ ներկայումս Առողջապահության համաշխարհային կազմակերպության եվրոպական գրասենյակին կից հաղորդակության ոլորտում խորհրդատվական խմբի անդամ Անժելա Խժդրյանը գրառում է կատարել՝ խորհուրդ տալով արցախցի մայրերին՝ իրենց կյանքը գոնե մի քիչ թեթևացնելու համար:

«Անընդհատ տարբեր խմբերում կարդում եմ, որ արցախցի մամաները վախենում են, իբր եթե քաղցր թեյ չեն կարողանում խմել կամ խտացրած կաթ ուտել ուրեմն չեն կարողանալու կերակրել:

Իրականում կրծքով կերակրումը բացարձակ կապ չունի քաղցր թեյի, խտացրած կաթի կամ ցանկացած այլ սննդամթերքի հետ: Կրծքի կաթի քանակը կարգավորվում ա պահանջարկ-առաջարկ սկզբունքով, ինչքան հաճախ երեխան կերակրվի՝ կրծքի կաթն այնքան շատ կլինի, իսկ մայրական կաթն անորակ չի կարող լինել՝ անկախ հանգամանքներից, նույնիսկ երբ մայրը թերսնված է:

Շատ տխուր ա, որ ունենալով կրծքով կերակրելու տարբերակ՝ այսօր արցախցի մայրերի բավական մեծ մաս մանկական կեր գտնելու խնդրի առաջ են կանգնել, մինչդեռ դեպքերի մեծ մասում հանարավոր կլիներ սկսել/շարունակել կրծքով կերակրումը, եթե կողքից խանգարող միֆերը չլինեին»:

Կրծքով կերակրելու իրապես շատ արդիական է՝ մոր և մանկան առողջության տեսանկյունից, սակայն մեր օրերի փորձագետին չէր խանգարի մի քանի դասընթացի մասնակցել՝ հասկանալու սթրեսի եւ նյարդահոգեբանական լարված վիճակի հետեւանքներին. նախ՝ սոված մայրը չի կարող երեխուն կերակրել, որքան էլ, որ վերջինս կրծքի կաթ ուտելու ցանկություն ունենա, երկրորդ՝ սթրեսն ու վախը ընդհանրապես կարող են բացասաբար ազդել կաթնարտադրության վրա։ Իսկ  Արցախը շրջապատված է թշնամիներով, մայր Հայրենիքի հետ կապող թելն էլ կտրված է։ Գուցե խորհուրդներ տալու առաջ փորձագետ ներկայացող տիկինը մի քանի օր ապրի թշնամու կողմից շրջափակված վիճակում  կամ փորձի ադրբեջանական անցակետով անցնել, թերեւս այն ժամանակ գուցե կկարողանա ավելի արժեքավոր խորհուրդներ տալ, եթե, իհարկե, չկորցնի խոսելու ունակությունը։ 

Թարմացում. Նյութը հրապարակելիս տեղեկացանք, որ Անժելա Խժդրյանը ներկայումս նաև խորհրդատվական ծառայություն է մատուցում ՀՀ կառավարությանը:

Աղբյուր` Փաստինֆո