Փաստ ինֆո

Նիկոլ Փաշինյանը հիմա կանգնած է քաղաքական կարևոր պրոցեսների առջև։ Իրենից պահանջվում է որ առնվազն մինչև տարեվերջ ստորագրի վերջնական կապիտուլյացիայի հայտարարությունը։ Երևան քաղաքի ավագանու ընտրությունները Փաշինյանի համար ընդամենն առիթ են, որ իշխանազավթման գործիքակազմի կիրառման հետևանքով ցույց տա, թե, իբր, ստանում է ժողովրդի վստահությունը, և դա օգտագործի հայրենակործան որոշումների կայացման գործում։

Միևնույն ժամանակ, Ղազարյանը հայտարարեց, որ իշխող կուսակցությունը ներկայում օգտագործում է տարբեր սուբվենցիոն ու միջազգային ծրագրերով հատկացված միջոցներ՝ քաղաքում նախընտրական շրջանում վերանորոգումներ ու բարեփոխումներ իրականացնելու նպատակով։

«Էլ չասեմ, որ «ՔՊ»-ն այսօր ՀՀ ամենահարուստ կուսակցություններից է, և իրենք արդեն դրամահավաքներ կազմակերպելու և միջոցները շորթելու հստակ գործող մեխանիզմ ունեն։ Օրինակ՝ 2020 թվականի հանրաքվեի ժամանակ, սրանք իրականացրին դրամահավաք, և իրենց պաշտոնական հայտարարությամբ հաղորդվեց, որ հավաքագրվել է 260 մլն. դրամ գումար։ Բայց հետո պարզվեց, որ հանրաքվեի բյուջեն չպետք է գերազանցի 100 մլն. դրամը։ Սրանք ոչ թե մնացած 160 մլն.-ը, օրենքով սահմանված կարգով, փոխանցեցին պետական բյուջե, այլ այդ հանրաքվեն ձևակերպեցին որպես ոչ թե հանրաքվեի, այլ «ՔՊ» կուսակցության՝ յուրացնելով 160 մլն. դրամ կազմող պետական բյուջեի միջոցներ։ Եթե ինձ հիմա որևէ քննիչ կամ դատախազ լսում է, ապա կարող է հենց այսօր վարույթ սկսել այդ հարցով»,- ասաց նա։

Ղազարյանը քաղաքական ուժերին հորդորեց բոյկոտել ու որևէ մասնակցություն չունենալ առաջիկա ընտրություններում։ Նա հայտարարեց, որ առաջիկա ընտրություններին կմասնակցեն կա՛մ իշխանությունների արբանյակ ուժերը, կա՛մ անլուրջ մարդիկ։

Աղբյուր` Փաստինֆո