Փաստ ինֆո

Որևէ կասկած չկա, որ Երևանի ավագանու ընտրություններում իշխող կուսակցությունը զավթելու է Երևան քաղաքի իշխանությունը։ Լրագրողների հետ հանդիպմանն այս մասին ասաց հասարակական- քաղաքական գործիչ Էդգար Ղազարյանը՝ հավելելով, որ այդ մասին վկայում են նախկին ՏԻՄ ընտրությունների օրինակները՝ Հանրապետության այլ համայնքներում։

«Եթե նրանք պատրաստ չեն նույնիսկ Անի համայնքում, Սիսիանում, էլ չասեմ՝ Գյումրիում ու Վանաձորում իշխանությունը հանձնել ընտրությունների արդյունքում ձևավորված քաղաքական ուժերին ու գործիչներին, ապա բացառված բան է, որ սրանք իշխանություն հանձնեն Երևան քաղաքում»,- հայտարարեց նա։

Այդուհանդերձ, Ղազարյանը հայտնեց, որ այս պահի դրությամբ Երևանի ավագանու ընտրություններին մասնակցելու հայտարարությամբ է հանդես եկել 11 քաղաքական ուժ՝ իրենց թեկնածուներով։ Էդգար Ղազարյանի խոսքով՝ դրանց թիվն առաջիկայում կարող է հասնել 15-ի։

««ՔՊ» կուսակցություն՝ Տիգրան Ավինյան,
«Հանրապետություն» կուսակցություն՝ Արտակ Զեյնալյան,
«Ապրելու երկիր» կուսակցություն՝ Մանե Թանդիլյան,
«Լուսավոր Հայաստան» կուսակցություն՝ Դավիթ Խաժակյան,
«Հանրային ձայն» կուսակցություն՝ Արտակ Գալստյան,
«Ուժը հայրենյաց» կուսակցություն՝ Նատալյա Ռոտենբերգ- Արզաքանցյան,
«Արդար Հայաստան» կուսակցություն՝ Նորիկ Նորիկյան,
«Հայաստանի եվրոպական» կուսակցություն՝ Սոցիալդեմոկրատական «Հնչակյան» կուսակցության հետ միասին՝ Կարեն Սարգսյան,
«Միացյալ Հայաստան» կուսակցություն՝ Երվանդ Թարվերդյան,
«Ազգային առաջընթաց» կուսակցություն՝ Հայկ Գրիգորյան,
«Հաղթանակ» կուսակցություն՝ Վիկտոր Մնացականյան։

ԴԵռևս կան քննարկումներ, բայց առկա չեն պաշտոնական հայտարարություններ՝ Երևանի նախկին քաղաքապետ Հայկ Մարությանի, «Մայր Հայաստան» դաշինքի ՝ ընտրություններին մասնակցելու վերաբերյալ»,- մանրամասնեց նա։
Ղազարյանի գնահատմամբ՝ ընտրություններում մեծաթիվ քաղաքական ուժերի մասնակցությունը կրկնելու է 2021 թվականին անցկացված ընտրությունների սցենարը, որով, նրա խոսքով, հնարավորություն ստեղծվեց փոշիացնելու քվեները, քանզի դրանք հաշվարկվում ու փոխանցվում են առավել շատ ձայներ ստացած կուսակցությանը։
«Պայմանական՝ X կուսակցությունը, որը չի հաղթահարի 4 տոկոսի շեմը, եթե ստացել է, երթադրենք, 10 հազ. Ձայն, ապա 5 հազ.-ը գնալու է ու միանա «ՔՊ»-ի ձայներին։ Ահա այս ձևով, ակնհայտորեն, իշխանազավթումը Երևանում արդեն կարելի է համարել կայացած փաստ»,- ասաց նա։

Ղազարյանը ցավով արձանագրեց, որ ՀՀ-ում երբևէ ընտրությունների միջոցով իշխանության փոփոխություն տեղի չի ունեցել։ Նրա խոսքով՝ այդ ընտրություններում մշտապես հաղթել է իշխանությունները։ Որպես օրինակ՝ Ղազարյանը ներկայացրեց 2018 և 2021 թվականներին անցկացված ընտրությունների օրինակները։

Աղբյուր` Փաստինֆո