Փաստ ինֆո

Ովքեր հույս էին դրել արեւմտյան ուժերի վրա, մեծ հաշվով, չարաչար սխալվեցին, որովհետև մենք ականատես ենք՝ ժողովրդավարությո՞ւն, թե՞ նավթ, մարդու իրավունքնե՞ր, թե՞ էներգոկիրներ հարցադրումների մեջ, հավաքական Արևմուտքը մշտապես ընտրում է իր կենսական շահը։ Ադրբեջանի լկտի պահվածքն էլ ավելի լկտիացավ, երբ նրանք Արևմուտքի հետ վավերացրին իրենց գազային էներգետիկ պայմանագրերը և դրան մատաղ գնաց արցախահայությունը, որ այսօր սովահարության ճիրաններում փորձում է ելքեր գտնել՝ դուրս գալու համար ստեղծված անմարդկային պայմաններից,- «Փաստինֆո» լրատվականի հետ զրույցում ասում է «Հայրենիք» կուսակցության քաղաքական խորհրդի անդամ Խաչիկ Գալստյանը։

Նրա դատարկմամբ՝ ԵՄ դիտորդները Հայաստանում են, բացառապես, սեփական քաղաքական շահերը սպասարկելու նպատակով և քանի - որ Արևմուտքն այս տարածաշրջանում առավել հակաիրանական, հակառուսական և հակահայկական շահ է հետապնդում, հետևաբար իր դիտորդները, ՀՀ կարճատես իշխանությունների թողտվությամբ, որոշակի քաղաքական լարվածություն են առաջացրել ինչպես մեր դարավոր հարևան Իրանի, այնպես նաև՝ մեր հիմնական դաշնակից Ռուսաստանի հետ։ Այդ մասին և՛ իրանական, և՛ ռուսական կողմը բազմիցս նշել, ակնարկել և, նույնիսկ, պաշտոնապես և բաց տեքստով ասել է։ Իրականում, ԵՄ դիտորդները, բացի շպիոնաժից, իսկ հետագայում նաև՝ դեպի Սյունիքի մարզ ադրբեջանցի, այսպես կոչված, փախստականների վերադարձից, այլ բանով այստեղ զբաղված չեն։

Օրակարգային հարցն այսօր, ըստ բանախոսի, հերթական ցեղպասպանությունը աչքերիս առաջ ունենալով՝ ի՞նչ և ինչպե՞ս այն կանխելն է, մինչդեռ, քաղաքական շատ ուժեր թիթեռ նկարելով են զբաղված. «Միայն զենքով կա հային փրկութուն» ահա մեր 5000 ամյա պատմության այն դարավոր ճշմարտությունը, որ այսօր բոլորի ճակատին պետք է դաջված լիներ, և բոլոր դասագրքերում՝ մանկապարտեզներից սկսած, մինչ բուհեր, պետք է ամենօրյա կարգով ուսուցանվեր ու հիշեցվեր բոլոր սերունեդներին, որպեսզի այսօր պատմության դաժան դասերն այսքան անմիտ և անհեթեթ կերպով չկրկնվեր»,- ասում է քաղաքական գիտությունների դոկտոր Խաչիկ Գալստյանը։

Աղբյուր` Փաստինֆո