Փաստ ինֆո

McDonald's-ը, ինչպես նաեւ ֆրանշիզայի սեփականատեր ընկերությունը պետք է 800 հազար դոլար վճարեն աղջկա ընտանիքին, որը երկրորդ աստիճանի այրվածք է ստացել տաք նագեթսի պատճառով, հայտնում է CBS NEWS հեռուստաալիքը՝ վկայակոչելով ԱՄՆ Ֆլորիդա նահանգի Բրաուրարդ օկրուգում երդվյալ ատենակալների դատարանի որոշումը:

2019 թվականին չորս տարեկան աղջկա մայրը Tamarac արագ սննդի ռեստորանից պատվիրել է «Happy mil», հավի նագեթսի մի տուփ փոխանցել երեխային, որը գտնվում էր մեքենայի հետևի նստատեղին։ Մեկ նագեթսն ընկել է տուփից և մոտ երկու րոպե մնացել մեքենայի նստարանի և աղջկա ոտքի արանքում: Արդյունքում երեխան երկրորդ աստիճանի այրվածք է ստացել, իսկ ազդրի վրա սպիներ են մնացել։

«Երդվյալ ատենակալներն ընտանիքին ընդհանուր առմամբ 800 հազար դոլարի չափով հատուցում են վճռել՝ ցավի ու տառապանքի, խեղումների, հոգեկան տանջանքների, անհարմարությունների ու կյանքից հաճույք ստանալու ունակության կորստի համար», - հայտնում է հեռուստաալիքը:

Գումարը ներառում է 400 հազար դոլար՝ արդեն ստացած վնասվածքների համար, և 400 հազար դոլար՝ այն վնասի համար, որը, ըստ երդվյալ ատենակալների, կկրվի ապագայում։

Մայիսին երդվյալ ատենակալները որոշում կայացրեցին, որ McDonald's-ը և ֆրանշիզայի սեփականատեր Upchurch Foods-ը պատասխանատու են այն բանի համար, որ չեն կարողացել պատշաճ կերպով նախազգուշացնել Tamarac ճաշարանում վաճառվող տաք նագեթսների հնարավոր վնասների մասին: Նշվում է, որ ուտեստի ջերմաստիճանը հասնում է մինչև 94 աստիճանի։

Աղբյուր` Փաստինֆո