Փաստ ինֆո

Արցախում իրավիճակը ծայրահեղ ծանր է, Արցախի ղեկավարի հնարավորություններն էլ սահմանափակ են։ Ցանկացած իշխանության առաջնային խնդիրը սեփական բնակչության տարրական, անհրաժեշտ պահանջները բավարարելն է, փաստացի, նման պայմաններում դա էլ չի կարող իրականացվել։ Նստացույցի գնալը խոսում է այն մասին, որ Ա. Հարությունյանը, որպես երկրի ղեկավար, սպառել է իր միջոցները՝ արցախահայության առջև ծառացած խնդիրները լուծելու համար։ «ՓաստԻնֆոյի» եթերում ասել է տարածաշրջանային հարցերով վերլուծաբան Արմեն Պետրոսյանը։

Բանախոսի դիտարկմամբ, կան հնարավորություններ և պետք է օգտագործել բոլոր հնարավորությունները՝ նոր մեդիա արշավ սկսելու համար։ Տեղում արցախյան մեդիայի միջոցով տեսանյութեր նկարել և դրանք, անգամ վարձավճարների միջոցով, տեղադրել աշխարհում ամենամեծ լսարան ունեցող կայքերում։

Անդրադառնալով Ռուսաստանին և միջազգային հանրությանը ներկայացվող պահանջներին, փորձագետը նշեց, որ ամբողջ խնդիրը նոյեմբերի եռակողմ համաձայնագիրն է, դրանով հաստատված ստատուս քվոն, այնտեղ ամրագրված կետերը, որոնք չեն իրականացվում։ Ով ինչպես կարողանում է՝ կետերի տարամեկնաբանությամբ չի իրականացնում կամ չի ցանկանում իրականացնել իր պարտավորությունները։ Փաստացի, Արցախում իրավիճակի հետ կապված պատասխանատուն ՌԴ-ն է, քանի որ իրենց խաղաղապահներն են, իրենք են, գոնե անցած տարիներին փորձել միջնորդել Ադրբեջան-Արցախ երկխոսության ապահովման հարցում։ Եվ այս պարագայում օբյեկտիվ է, որ պահանջներ կան ՌԴ-ից։ Իրավիճակը այն աստիճանի փակուղային է, որ յուրաքանչյուր կողմ իր անկարողությունը հիմնավորում է մյուսի քայլերով, կամ քայլերի բացակայությամբ։

«Ադրբեջանի հետ ընթացող բոլոր բանակցություններում կա հստակ մի սկզբունք՝ այն բոլոր պայմանավորվածությունները, որ կան՝ վերջնական չեն, պայմանական են և դրանք փոխզիջումների հիման վրա են, որտեղ երևում են Հյաստանի զիջումները, բայց չի երևում Ադրբեջանի փոխադարձ զիջումը»,- ասել է Ա. Պետրոսյանը։

Անդադառնալով Տ. Կլաարի հայտարարությանը, բանախոսը նշեց, որ Տ. Կլաարը ներկայացնում է ԵՄ-ը և ԵՄ-ը որպես այս գործընթացի միջնորդ։ Բայց մյուս կողմից, պետք է հասկանալ, որ ԵՄ-ը որպես ձևաչափ բավականին թույլ և անարդյունավետ է։ «Որպեսզի հավասարակշռություն լինի նրանք առաջ են քաշում Ակնայով հումանիտար օգնության հնարավորությունը, բայց մենք պետք է հասկանանք, որ դա մեզ համար սկզբունքային, լրջագույն զիջում կլինի, և, եթե դա լինի՝ կսկսվի Արցախի՝ ինչպես ադրբեջանական կողմն է ասում՝ վերաինտեգրման գործընթացը»,- ասել է բանախոսը։

Մանրամասները՝ տեսանյութում։

Աղբյուր` Փաստինֆո