Փաստ ինֆո

Իրականում, մենք շատ կարևոր խնդիր ունենք, որի լուծումը համազգային մակարդակում է միայն հնարավոր, որովհետև Արցախի հիմնախնդիրը միայն այնտեղ ապրող մարդկանց խնդիրը չէ։ Սա, կրկնում եմ՝ սա համահայկական խնդիր է և սրա ուղղությամբ պետք է գործի դրվեն համահայկական բոլոր ջանքերը՝ միևնույն նպատակի և կամքի շրջանակներում- «Փաստինֆո» լրատվականի հետ զրույցում ասել է իրանագետ Վարդան Ոոսկանյանը։

Խոսելով Արցախում տեղի ունեցող զարգացումների եւ նախագահ Արայիկ Հարությունյանի քայլերի, հայտարարարծ նստացույցի մասին՝ Վարդան Ոսկանյանն ասում է՝ չի կարծում, թե Արցախի Պաշտպանության Բանակի գլխավոր հրամանատարի հիմանական գործառույթը վրանի տակ նստելն է.«Խնդիրն այն է, որ Հայաստանում և Արցախում պետք է հստակոր հանրային մտայնություն ձևավորենք առ այն, որ Արցախը Հայաստանի Հանրապետության զրահաբաճկոնն է և, եթե այն հանձնվում է թշնամուն, ապա Հայաստանը զրկվում է իր ամրոցի կարևորագույն պաշտպանական հատվածներից մեկից։ Հետևաբար, Արցախի հիմնախնդիրի լուծումը միայն արցախցիների ուսերին դրված բեռը չէ, այլ համահայկական հարց, որը պետք է լուծվի։ Ընդ որում ՝ Հայաստանի Հանրապետությունն առաջին հերթին պետք է զբաղվի այդ խնդրով»։

Իրանագետի արձանագրմամբ՝ պաշտոնական մակարդակով զանազան «հայտարարություններ» են հնչում Արցախի հիմնախնդրի վերաբերյալ առ այն, իբր Արցախն Ադրբեջանի տարածքային ամբողջականության մաս է, որ մենք չունենք որևէ ռեսուրս կամ հնարավորություն սա կանխելու և այլն։ Եթե որևէ մեկը չունի այդ հնարավորությունը կամ ռեսուրսը, ապա, դա դեռ չի նշանակում, որ դրանք չկան, ասում է Վարդան Ոսկանյանը։

Դինամիկ փոփոխվող աշխարհում և, մասնավորապես, տարածաշրջանում, փորձագետի դիտարկմամբ, գերճշգրիտ քաղաքական աշխատանք տանելու խիստ և օրհասական իրավիճակ է հասունացել.«Առաջին հերթին, Հայաստանի Հանրապետությունը պետք է զբաղվի դաշնակիցների շրջանակների հստակեցմամբ, ինչպես նաև ՀՀ անվտանգության բարդ, սակայն իրականալի ճարտարապետության նորովի վերականգնման հրապատ աշխատանքով։ Մեզ աջակցող դաշնակիցներ այս տարածաշրջանում կան՝ դա, օրինակ, հզոր գերտերություն հանդիսացող Իրանի Իսլամական Հանրապետությունն է, որի կենսական և ռազմաքաղաքական շահերը շատ հարցերում համընկնում են մեզ հետ։ Մենք համաշխարհային մակարդակի նշանակություն ունեցող այնպիսի պետությունների հետ դաշնակցային հարաբերություններ ստեղծելու հնարավորություն ունենք, ինչպիսին, օրինակ, Հնդկաստանն է։ Եվրոպական Արևմուտքում նույնպես ունենք մեզ բարեկամական տրամադրված պետություններ, ինչպիսին, օրինակ Ֆրանսիան է, որի հետ հարաբերությունները նոր որակի և ձևաչափի մեջ պետք է տեղավորել և այլն»։

Ամփոփելով զրույցը, իրանագետ Վարդան Ոսկանյանն ասում է՝ իհարկե Հայաստանի և Արցախի առաջ ծառացած մարտահրավերնեը շատ են և բարդ լուծելի, սակայն, հնարավորությունները նույնպես պակաս չեն և դրանք կյանքի կոչելու ու իրավիճակից դաշնակցային ճիշտ հարաբերություններ կառուցելու հաշվին, ստեղծված իրավիճակից դուրս գալու համար միայն քաղաքական կամք, գիտելիքներ և ցանկություն է հարկավոր։ Եթե Արցախի և ՀՀ օրվա իշխանությունները դրանք չունեն կամ չեն տիրապետում այդ հնարավորություններին, սա դեռ չի նշանակում, որ մենք, ինքներս, մեզ պետք է դատապարտենք կործանման և փակենք մեր պետականության գոյության հնարավորությունները։

Աղբյուր` Փաստինֆո