Փաստ ինֆո

Ազատ գյուղի տարածքում տեղակայված ինժեներասակրավորային վաշտի կացարանում հունվարի 19-ին բռնկված հրդեհի հետևանքով զոհված զինծառայողների ծնողները ՀՀ ՔԿ ԶՔԳՎ շենքի մոտ են հավաքվել՝ հանդիպում պահանջելով քննիչների հետ։ Ծնողները դժգոհ են գործի քննությունից։ Զոհված զինծառայողներից Հայկ Կիրակոսյանի հայրը՝ Գաբրիել Կիրակոսյանը լրագրողների հետ զրույցում ասաց, որ իրենց պահանջն էլ, իրավիճակն էլ նույնն են, ինչպես աշխատել են վեց ամիս, նույն ձևով շարունակում են, այսինքն ՝ ոչինչ չեն անում, մատը՝ մատին չեն տալիս։

«Փորձագիտական կենտրոն տանելու համար նմուշներ պետք է Վարդենիսից դեռ բերեն, մարդիկ սպասում են, որ ամբողջական պատկեր կարողանան ստանան, 15 օրից ավելի է ում ասում ես , գցում է մյուսի վրա։ Քննիչի հետ խոսում ես՝ ասում է պետք ա մեր ղեկավարությունը պայմանավորվի փորձագիտական կենտրոնի ղեկավարության հետ որոշելու համար՝ գնում են այնտեղից մեքենայով են այդ էղածը բերում այստեղ,թե՞ մադնագետ են տանում՝ այդ նմուշներն այնտեղից են վերցնում։ Ոչինչ են անում, զանգում ես, ասում է՝ «այսօր չէ, վաղը էսինչին ասեմ, մյուս օրը էսինչ բանն անեն»։ Երկու օր հետո զանգում ես նորից նույն վիճակն ա։ Արա, չեք անում, գործը բացահայտելու ուղղությամբ չեք անում, գոնե դրա ասած վարկածն առաջ քաշելու համար, գոնե ձեր օգտին աշխատեք»,- նշեց Կիրակոսյանը։ Անդրադառնալով երկու ամիս Նիկոլ Փաշինյանի հետ տեղի ունեցած հանդիպման, Կիրակոսյանն ասաց, որ այդ ժամանակ հանդիպման մասին մանրամասներ չեն ներկայացրել, քանի որ խոստացել էին, որ երկու ամիս անց հստակ բան կասեն ծնողներին։ Նրա խոսքով՝ վարչապետը ձևացրեց, թե տեղյակ չէ գործի մանրամասներից, զինդատախազից հետաքրքրվեց, թե մենք երբ ռեալ բան կունենանք հարզատներին ասելու, ասացին՝ երկու ամիս հետո կունենքանք, նույն կազմով կհավաքվենք, սակայն երկու ամիս անց ոչինչ չի փոխվել։

«Ծնողներից մեկը հարցնում է՝ վերջն այս գործը բացահայտելո՞ւ եք, թե՞ չէ, ասում է՝ արդեն բացահայտված է։ Մարդ ինչքան պետք է սրբապիղծ լինի, որ նման հայտարարություն անի։ Եթե բացահայտված ա, բա ասենք ի՞նչ է եղել։ Այս մարդիկ իբր զբազղվում են գործի բացահայտմամբ, վարչապետն էլ ասում է՝ բացահայտված ա։ Հիմա կամ վարչապետն է խաբում , կամ էլ՝ քննիչը»,- ասաց նա։

Աղբյուր` Փաստինֆո