Փաստ ինֆո

Համացանցի օգտատիրուհին Reddit ֆորումում պատմել է, որ իր ապագա ամուսնու եղբայրը բացահայտել է իրենց ընդհանուր գաղտնիքը և փչացրել է իր հարսանիքը:

Հարսի խոսքով՝ ինքը Քրիսի հետ ծանոթացել է քոլեջում եւ միանգամից սիրահարվել տղամարդուն, սակայն փորձել է չմտերմանալ նրա հետ, քանի որ իմացել է, որ իր զգացմունքները փոխադարձ չեն եղել: Չնայած դրան, Քրիսը մի քանի անգամ խոստովանել է կնոջը, որ համակրում է նրան եւ ժամադրության է հրավիրել, սակայն հետո հրաժարվում էր իր առաջարկից եւ ներողություն խնդրում:

Մի անգամ Քրիսը, ի վերջո, լրջորեն ասել է, որ ցանկանում է հանդիպել կնոջ հետ: Օգտատիրուհին տղամարդուն հրավիրել է նոր տարվա կապակցությամբ երեկույթի, և նա եկել է եղբոր հետ: «Ամբողջ երեկույթն ինձ անտեսեց Քրիսը, իսկ ավելի ուշ ես տեսա, թե ինչպես է նա համբուրվում հարևանուհուս հետ։ Նրանք գիշերեցին նրա սենյակում: Այդ ժամանակ ես որոշեցի, որ կթողնեմ նրան: Բավական է», - պատմում է գրառման հեղինակը։ Այդ օրը կինը սկսեց շփվել Քրիսի եղբոր հետ, ավելի ուշ ժամադրության գնաց նրա հետ և հասկացավ, որ սիրահարվել է: Որոշ ժամանակ անց երիտասարդը նրան ամուսնության առաջարկ է արել։

Կինը չէր պատրաստվում փեսացուին ասել, որ սիրահարված է նրա եղբորը։ Սակայն հարսանեկան ընթրիքի փորձի ժամանակ Քրիսն ամեն ինչ պատմել է նորապսակների բոլոր ընկերներին ու հարազատներին։ «Վերջում նա ասել է, որ զղջում է և միշտ կզղջա, որ ինձ այն ժամանակ ժամադրության չի հրավիրել», — գրել է օգտատիրուհին: Նրա խոսքով՝ դրանից հետո բոլոր ներկաները շատ անհարմար են զգացել։

Կինը հավելել է, որ հարսանիքի ժամանակ ամուսինը փորձել է իրեն բարյացակամ պահել, սակայն նա զգացել է, որ տղամարդը վիրավորված է եւ զայրացած: Երեկույթից հետո տղամարդը կնոջը հարցրել է, թե արդյո՞ք նա հանդիպում է իր հետ միայն այն պատճառով, որ դեռ սիրում է Քրիսին: «Ես սկսեցի լաց լինել, քանի որ դա բացարձակապես այդպես չէ։ Մենք սկսեցինք ժամադրության գնալ, ընկերներ դարձանք։ Ես համոզվեցի, որ ինձ հենց նա է պետք, նախքան ռոմանտիկ հարաբերություններ սկսելը։ Ես երբեք ոչ մեկին չեմ սիրել այնպես, ինչպես սիրում եմ ամուսնուս», — պնդում է նա։

Գրառման հեղինակն ասել է, որ ինքն ու ամուսինը պատրաստվում են մեկնել մեղրամսի, սակայն տղամարդը գրեթե չի խոսում նրա հետ և շատ վրդովված տեսք ունի: «Ես չեմ կարող հետ շրջել ժամանակը, ուստի չգիտեմ, թե ինչ պետք է անեմ», — խոստովանում է կինը:

Ֆորումի շատ օգտվողներ դատապարտել են Քրիսին և նրան անվանել նարցիսիստ: Մարդիկ նաև աջակցել են գրառման հեղինակին և նշել, որ նա ոչ մի բանում մեղավոր չէ։ «Ժամանակ տվեք ձեր ամուսնուն։ Դու ոչ մի վատ բան չես արել: Ինչպե՞ս իմանայիր, որ սիրահարվածությունը, որը նույնիսկ չէր արտահայտվում, կվերածվի նման բանի» մեկնաբանություններում գրել է մի մարդ:

Աղբյուր` Փաստինֆո