Փաստ ինֆո

«Առհասարակ, Արցախում ստեղծված իրավիճակը՝ սկսած ներքաղաքական զարգացումներից, մինչև շրջափակումն ու դրա ծանր հետևանքները, դժվար մեկնաբանելի իրողութուն է դարձել։ Իհարկե, այս պահին Արցախում ստեղծված իրավիճակը, կամ ավելի ճիշը կլիներ ասել՝ ողբերգությունը մեկ անուն ունի՝ Նիկոլ Փաշինյան, որի որդեգրած քաղաքական կուրսի և կատարած քայլերի բոլոր ծանր հետևանքն էլ իրենց կաշվի վրա զգում են արցախցիները»,- «Փաստինֆո» լրատվականի հետ զրույցում ասում է Ազգային Ժողովի ընդդիմադիր՝ «Պատիվ ունեմ» խմբակցության պատգամավոր Տիգրան Աբրահամյանը։

Ավելի քան 7 ամիս շրջափակման մեջ գտնվող Արցախում ապրող մեր հայրենակիցները երեկվանից Ստեփանակերտի փողոցներ են դուրս եկել՝ պահանջելու գործուն քայլեր ձեռնարկել՝ ստեղծված աղետի հանգուցալուծմանն համար։

Պատասխանելով հարցին՝ ի՞նչ մեսիջ են ցանկանում փոխանցել արցախյան օրվա իշխանությունները՝ հենց այս պահին ձերբակալելով Արցախի հերոս Վիտալի Բալասանյանին, ՀՀ ԱԺ պատգամավոր Տիգրան Աբրահամյանը դժվարանում է որևէ տեսակի տրամաբանություն գտնել արցախյան օրվա իշխանությունների՝ առհասարակ բոլոր քայլերում՝ սկսած սոցիալ – տնտեսականից, մինչև իրավական, այդ թվում Վիտալի Բալասանյանի ձերբակալությունը։ «Այս պահի դրությամբ, դեռևս, տեղյակ չեմ Վիտալի Բալասանյանի ձերբակալության հետ կապված գործի մանրամասներից, բայց իրավիճակն Արցախում, ցավոք, այնպիսի մի կետի է հանգել, որտեղ տրամաբանության շղթան, վաղուց, կտրվել է։ Ցավոք, այսպիսի իրավիճակում մենք ստիպված ենք լինելու խոսել Արցախում ստեղծված ծանր և ավելի խորացող բարդագույն ծանրության մասին միայն»։

Նրա արձանագրմամբ՝ ստեղծված իրավիճակը մի քանի պատճառահետևանքային կապ ունի՝ առաջինն ու գլխավորը ՀՀ քաղաքական իշխանությունների որդեգրած քաղաքական կուրսն է, որով երկիրն այսպիսի ողբերգական կետի է հասել։ Այս պահին, դա լիովին արտացոլվում է Արցախում, սակայն, իր շղթայական շարունակությունն է ունենալու նաև Հայաստանում։ Երկրորդ հարցը կապված է միջազգային դերակատարների դիմակայությանը, որն, Արցախում, բացարձակապես, արտահայտված չէ։ Այսինքն, փաստացի, ցավալիորեն, աչք է փակվում այն իրադարձությունների վրա, որոնք այսօր տեղի են ունենում Արցախում։ Երրորդ կոմպոնենտը կապված է Արցախի բուն իշխանությունների հետ, որոնք մինչ օրս կամ չեն պատկերացրել կամ ցույց են տալիս, թե չեն պատկերացնում հայաստանյան օրվա իշխանություննների ունեցած ծանր դերակատարումն իրենց և Արցախի ճակատագրի վրա։ Սա է պատճառը, որ հայաստանյան իշխանությունների վերաբերյալ իրենց գնահատականներում Արցախի իշխանություններն ուղիղ հայտարարություններ կամ չեն անում կամ դրանք խիստ լղոզված ձևով են արտահայտվում»։

Հարցին՝ ի՞նչ սպասել վաղը նախատեսվող Փաշինյան – Ալիև բրյուսելյան հերթական հանդիպումից, պատգամավոր Տիգրան Աբրահամյանը նշում է, որ որևէ լավատեսական սպասում չի կարող լինել.«Այն օրակարգը, որն իջեցված է Ադրբեջանի կողմից որևէ կերպ չի արտացուոմ հայկական կողմի շահերը, հետևաբար՝ խոսել հերթական բանակցային հանդիպման դրական ելքի մասին, այս պահին, ուղղակի, տրանաբանկան չէ։ Այս պահին ՀՀ իշխանությունները մասնակցում են մի բանակցութունների, որի հիքմում առկա սկզբունքներին, որոնց արդեն իսկ համաձայնություն են տվել, ամբողջովին հակասում են Հայաստանի և Արցախի շահերին»։

Այդուհանդերձ, Արցախում դեռևս կան ուժեր, ովքեր ոտքի կանգնելով և փողոց դուրս գալով, մեղադրական սլաքներ են ուղղում տեղում խաղաղապահ առաքելություն իրականացնող ռուսական զորամիավորման ուղղությամբ, ինչին արձագանքելով ԱԺ պատգամավորը նկատում է, որ Արցախում ապրող մարդիկ, վերջիվերջո, պետք է հասկանան ու որոշեն՝ ո՞վ է իրենց պետք, ո՞վ է իրենց բարեկամը կամ թշնամի։

«Այսինքն, այս ծանր իրավիճակում արցախցին ինքը պետք է որոշի՝ ո՞նց է ինքն ուզում շարժվել և ո՞ր ուղղությամբ։ Այն, ինչ մենք կարող ենք անել այստեղ՝ Հայաստանում և Սփյուռքում, յուրաքանչյուրս մեր առաքելության համաձայն՝ այն լիզորությունների և հնարավորությունների սահաններում, որ ունի, սա հարցի մյուս մասն է։ Սակայն, Արցախում ապրող մարդիկ, վերջիվերջո, իրենք պետք է հասկանան ու որոշեն՝ ո՞վ է իրենց պետք, ո՞վ է իրենց բարեկամը կամ թշնամի և թե ինչպե՞ս իրենք պետք է շարժվեն ստեղծված իրավիճակում»,- ասում է պատգամավորը։

Ամփոփելով զրույցը, Տիգրան Աբրահամյանը նկատում է՝ իրավիճակն Արցախում, իրապես խիստ սրված է։ Թե ի՞նչ է այնտես սպասվում մոտ ապագայում, այս պահին շատ դժվար է ասել։ Իրադաձությունների ամենատարբեր սցենարներ կարող են զարգանալ, բայց, այս պահին, ինքը կանխատեսումներ չի անի։

Աղբյուր` Փաստինֆո