Փաստ ինֆո

Արցախի հակաճգնաժամային խորհրդի նախագահ Տիգրան Պետրոսյան- երիտասարդ պաշտոնյան, որն ըստ էության, ԱՀ նախագահի աթոռն զբաղեցնող Արայիկ Հարությունյանի ոչ պաշտոնական մամլո խոսնակն է, կրկին ինտրիգային գրառում է արել։

Ասում է ՝2016-ի ապրիլյան պատերազմի ժամանակ որպես օգնություն ուղարկած ծխախոտն այսօր Ստեփանակերտում 550-600 դրամով վաճառքի է հանվել․․․

Ասում է՝ «տեղյակ եմ ողջ շղթային, ուղարկողից մինչև իրացնող։ ՈՒ նաև ավելացնում՝ տեսնենք վերջը ի՞նչ են անում»։

Ըստ էության, ամեն ինչից իրազեկ լինելու և ժամանակին չհայտնելու մասին գրեթե ինքնախոստովանական ցուցմունք տվող այս երիտասարդը փաշինյանաարայիկյան խաղի պտուտակի դերն է կամավոր ստանձնել։ Տարիներ անց զարթնել է և «տուշոնկա-շոուի» մի նոր, այս անգամ՝ արցախյան տարբերա՞կն է փորձում հրապարակ նետել՝ շեֆի հրահանգո՞վ։

Ակնհա՞յտ է, չէ, որ ՀՀ և ԱՀ թրքահպատակների կողմից փորձ է արվում ինչ-որ բան ինչ-որ մարդկանց գրպանը գցել։ Եվ գցողին էլ գտել են՝ հակաճգնաժամային խորհրդի նախագահը․․․

Դե, իհարկե՝ հիմա էլ «նախկիններ» օպերացիան ճգնաժամային վիճակում գտնվող Արցախ տեղափոխելու ժամանակն է։ Միայն մեկ կարևոր հիշեցում շոուն հղացողներին՝ արցախյան «նախկինների» ամենակարկառուն ներկայացուցիչը ԱՀ նախկին վարչապետ արայիկ հարությունյանն է։

Ի վերջո, ո՞վ է հավատում, որ կառավարության ղեկավարի ձեռքի տակով չէր անցնում Արցախ մտնող ցանկացած օգնություն։ Այդ թվում՝ ապրիլյան քառօրյայի օրերին։ Ու ստացվում է, որ 7 տարի պահել են ծխախոտները, որ այսօր Արցախում հանեն ու 600 դրամով վաճառեն...

Պատկերացնում եք, չէ՞, Արցախի համար այս ճակատագրական օրերին ի՞նչ պաշտոնյաներ են ղեկավարում ճգնաժամային իրավիճակը։ Մարդիկ, որ ուրախացել են, սեփական ձեռքերն են շփում՝ վենդետաների սպասումներով։ Այսինքն՝ Արցախին ավելի քան երբևէ թուրքադրբեջանական տանդեմի դեմ է միակամություն անհրաժեշտ, մինչդեռ կան «պետական պաշտոնյաներ», ըստ էության՝ հակապետական, հակահայ և Արցախի դեմ գործող երևույթներ, որոնց ուղեղում միայն հակառուսականության քարոզն է և արցախցուն պիտակավորելը՝ որպես «նախկիններ ու ներկաներ»։

Ի դեպ հակաճգնաժամային խորհրդի նախագահի պաշտոնն զբաղեցնող այս երիտասարդն օրեր առաջ ահազանգում էր՝ «Ու՞մ ենք սպասում, ինչի՞ ենք սպասում, անպայման երեխաները պետք է սոված մնան, նոր զարթնե՞նք… Արցախցիների բացարձակ մեծամասնությունը հավատացել է ոչ թե ՀՀ ղեկավարին, ոչ թե՝ Արցախի ղեկավարին, այլ ՌԴ նախագահ Պուտինի խոսքերին՝ որ Արցախում հայերը ապրելու են անվտանգ ու արժանապատիվ»։

Այսինքն, նա օրեր առաջ արցախահայերի պաշտպանությունը նիկոլաարայիկյան զույգից ուղղակի Վլ․ Պուտինի գրպանն էր գցում, հիմա էլ՝ ըստ հրահանգի՝ տուշոնկա- շոուի արցախյան տարբերա՞կն է խաղարկում՝ ծխախոտ-շոու․․․

Սորոսասոսինձ ձեռքերդ հեռու Արցախից․․․

Աղբյուր` Փաստինֆո