Փաստ ինֆո

«Մեզ ասում են՝ մի շնչեք, կարող է պատերազմ կլինի։ Խաչքար ենք օծում, Արցախի օրհներգն ենք երգում, Հայաստանի հանրապետության օրհներգն ենք բացականչում, մեզ ասում են՝ մի արեք պատերազմ կլինի»,-Մակարավանքում խաչքարի օծման ժամանակ իր խոսքում նշում է Տավուշի թեմի առաջնորդ, Բագրատ արքեպիսկոպող Գալստանյանը։

Սրբազանը նկատել է՝ իրար բարև ենք տալիս, ասում գալիք տարին Շուշիում ենք լինելու, մեզ ասում են, մի ասեք այդ անունը, պատերազմ կլինի։

«Մի մարզվեք, մի հաղթեք, մի շնչեք, հաց մի կերեք, տեղից տեղ մի շարժվեք, Արարատ մի ասեք, առյուծ մի տեսեք, Շուշիի մասին մի խոսեք, Արցախի մասին մոռացեք, որովհետև պատերազմ կլինի։ Այդ արդեն պատերազմ է, այն ինչ-որ ասացինք արդեն պատերազմ է և մենք հենց այդտեղ պետք է հաղթենք ժողովուրդ ջան»,- ասել է Բագրատ Սրբազանն ու ավելացրել. «Այս խաչքարը թող լինի արդարության ու հաղթանակի խորհուրդներից մեկը»։

Աղբյուր` Փաստինֆո