Փաստ ինֆո

Արցախում իրավիճակը շտկելու համար, առաջին հերթին, պետք է բանակցող կողմերին փոխել, իսկ բանակցողին փոխելու համար հարկավոր է, որպեսզի Հայաստանում և Արցախում իշխանափոխություն տեղի ունենա։ Ես հասկանում եմ, որ Արցախում այդ խնդիրը լուծելն այս պահին մի քիչ ավելի դժվար կլինի, որովհետև դրա համար այնտեղ նաև օրենսդրական մի շարք փոփոխություններ պետք է նախաձեռնել, իսկ Հայաստանում դա պետք է կատարել ինչքան հնարավոր է արագ և առանց հապաղելու։ Միայն այս դեպքում բանակցության ընթացքում բեկում կմտնի»,- «Փաստինֆո» - հետ զրույցում ասել է «Սիսական» ջոկատի հրամանատար Աշոտ Մինասյանը («Աշոտ Երկաթ»):

Մինչեւ իշխանափոխությունը տեղի չունենա՝ ողջ հայությունը, եթե անգամ ոտքի կանգնի ու բղավի, որ չի ուզում այն, ինչ հիմա է կատարվում մեր երկու հայկական պետությունների հետ, միևնույն է, դրական որևէ գործընթաց տեղի չի ունենալու, աղետը հասնելու է մինչև վերջնական և անդառնալի կործանման, համոզված է Աշոտ Մինասյանը։

«Իր իրավունքի իրացման քվեն Արացախը վաղուց՝ դեռևս սրանից 32 տարի առաջ, արդեն, վաստակել է։ Սակայն, օրվա իշխանությունների պարագայում, այդ իրավունքի պաշտպանությունը միջազգային հարթակներում որևէ մեկը չի ստանձնելու, եթե չասենք, որ հիմա ճիշտ հակառակ պրոցեսն է տեղի ունենում։ Մենք, վաղուց արդեն, հասկացել ենք նաև մի պարզ ճշմարտություն՝ օրվա իշխանություն կոչվածներն իրենք իրենց կամքով չեն հեռանալու։ Ընդդիմության բազամաթիվ փորձերն էլ ,կարծես, մինչ այս պահն, էական և որոշիչ արդյունքներ չեն գրանցել։ Ի՞նչ է մնում ուրեմն՝ մտնել քաղաք առ քաղաք, գյուղ առ գյուղ, տուն առ տուն թակել դռները, բացատրել, թե ո՞վ է, իրականում, այս իշխանությունը, ի՞նչ է իրենից ներկայացնում, ո՞ւմ է ծառայում և ո՞ւմ շահն է, իրականում, սպասարկում մեր երկրի ներսում։ Պետք է մարդկանց գիտակցությանը հասցնել, որ սա, արդեն, մեր բոլորի վերջն է, որ սա մենք, այլևս, հանդուրժել և թույլ տալ չենք կարող, որ պետք է թափ տանք մեզ, ոտքի կանգնենք, արժանապատիվ կերպով հավաքենք մեր մեջ մնացած կամքի ուժն ու անենք մեր վճռորոշ քայլը, որպեսզի չկորցնենք մեր տունը, մեր Հայրենիքը, այն, ինչ մերն է, մեզ է պատկանում՝ բոլոր տեսակի իրավունքներով։ Եվ այս ամենը պետք է սկսել հենց այսօր ու հենց սահմանամերձ բնակավայրերից»,- ասում է հրամանատարը։

Աղետը մեր գլխին եկած այս իշխանություններն են, ոչ թե պատերազմը կամ դրա վտանգը, ասում է Աշոտ Մինասյանն ու հավելում.«Եթե սրանք շահարկում էին, թե Հայաստանն է պահում Արցախը, ապա կյանքն ու իրավիճակները մեզ ցույց տվեցին ու ապացուցեցին, որ իրականությունը ճիշտ հակառակն է՝ Արցախը մեր ասպարն էր, մեր վահանը, Արցախն էր պահում և պաշտպանում Մայր Հայաստանը։ Ի՞նչ արեցին այս ստորները՝ նրանք արհեստական պարտության տարան մի ամբողջ ազգի ու մեզ ու հայկական երկու պետությունները կանգնեցրին ահա այսպիսի փաստի առաջ։ Զինվորը հաղթել է։ Զինվորն, իրականում, կռվել և հաղթել է, սակայն, արհեստական պարտության տանելով ազգին, իրենք լուծեցին իրենց առջև դրված ևս մեկ խնդիր՝ նսեմացրին զինվորին։ Զինվորականների ճնշող մեծամասնությունը չի գիտակցում և չի հասկանում, որ այս իշխանություն կոչվածները բոլորին դեռ պախարակելով նսեմացնելու և ստորացնելու են, որպեսզի իրենց գործած աննախադեպ դավաճանության ողջ մեղքը բարդեն զինվորականության վրա։ Ի դեպ, այդ պրոցեսն, արդեն իսկ, սկսվել է և գնալու է մինչև վերջ, որևէ մեկին չեն խնայելու, որևէ մեկը չի փրկվելու՝ մինչև դասակի և ջոկի հրամանատար բոլորը ստորացվելու են, սա պետք է իրենք լավ իմանան»,- ասում է «Սիսական» ջոկատի հրամանատարը։

Բանախոսը նկատում է՝ եթե Փաշինյանն ու իր տերերը՝ Հավաքական Արևմուտքը հասնեն նրան, որ ռուսական 102-րդ ռազմաբազան և ռուս խաղաղապահ զորամիավորումը հեռանան տարածաշրջանից, ապա Արցախ, որպես այդպիսին, այլևս չենք ունենալու. «Ժողովրդին Արցախից կարտաքսեն։ Այստեղ մեծ հարց է, թե ինչպե՞ս նրանց կարտաքսեն… Արդյո՞ք թույլ կտան, որ մեր հաղթող հրամանատարները դուրս գան Արցախից, արդյո՞ք թույլ կտան, որպեսզի հայրենապաշտ տեսակն, առհասարակ, ողջ մնա …լավագույն դեպքում՝ դատելու և ձերբակելելու են նրանց և ոչ միան Արցախում ապրող հայապաշտ տեսակին, այլ նաև այստեղ՝ հայաստանցիներին, բոլոր նրանց, ովքեր կռվել, մարտնչել և Հայրենիք են պաշտպանել ու հաղթանակներ կերտել։ Եվ ես չեմ կասկածում, որ մեր բոլորի ցուցակներն, արդեն իսկ, կազմված են ու դրանք Ալիևին հանձնողը հենց Փաշինյանն է լինելու, որպեսզի Ադրբեջանում մեզ ձերբակալեն ու դատեն», -ասում է «Սիսական» ջոկատի հրամանատարը։

Իշխանության գալու օրվանից ի վեր, այն քաղաքականությունը, որը տարվում է հայապաշտ տեսակի հանդեպ, օրվա իշխանությունների հիմնական և առաջնային ծրագիրն է եղել, որն էլ, մինչ այս պահը նրանք հաջողությամբ իրականացնում են, ասում է Աշոտ Մինասյանը. «Սկսած ազգային և հայրենասիրություն սերմանող ամեն ինչի արժեզրկումից, մինչև չեղած գեներալներին հերոսացնելուց և մարտական խաչեր ու հերոսի կոչումներ հանձնելուց, այս ամենը մի նպատակ էր հետապնդում՝ հասցնել երկիրն ու այնտեղ ապրող մարդկանց բարոյալքության և ստորացման հենց այս մակարդակին։ Երբ Տավուշում մի հասարակ բլուր վերցնելու համար 2020 թ. հուլիսին մի ապուշի ազգային հերոսի կոչում տվեցին, իսկ 81 հոգու՝«Մարտական խաչ Առաջին աստիճանի ասպետի» կոչում տվեցին, սրանով անցյալ 30 տարիներին բոլոր նրանց, ովքեր իրապես արժանացել էին այդ բարձր կոչմանը, ովքեր իրապես տասնյակ հարյուրավոր բլուրներ էին ազատագրել, անվանարկեցին ու հավասարեցրին իրար։ էլ չեմ խոսում այն մասին, որ այսօր այս իշխանություն կոչվածը դատում է այդ բլրի վերցնումը կազմակերպող հրամանատարին՝ Գրիգորի Խաչատուրովին, նրան, ում ռազմական գիտելիքների և հմտության շնորքով այս 81 հոգուն հաջողվեց վերցնել այդ մեկ բլուրը և նրա կողքին, հիմա ոչ մեկ այդ 81 հոգոց կանգնած չէ, ո ր մեկը։ Ոչ մեկ վեր չի կացել ու չի ասել՝ ինչո՞ւ եք դատում մեր հրամանատրին, նրան, ով կարողացավ և ում շնորհվ մենք մի բլուր վերցրինք։ Ահա, սրանք են այսօրվա զինվորականները, սա է օրվա իշխանություն կոչվածը, և սա է իրենց դավանած արժեքային համակարգը, որ բերոլ ու փորձում են փաթափել մեր վզին»,- ասում է հրամանատարը։

Ամփոփելով, Աշոտ Մինասյանը նկատում է՝ մենք գիտենք, թե ինչ է սպասվում Արցախին ու արցախցուն, բայց ժողովուրդը պետք է, ի վերջո, գիտակցի, որ Եվրոմիություն, Հագգայի դատարան, ՄԱԿ, Մակրոն կամ Վաշինգտոն ու չգիտես էլ ինչ, այս ամենը սուտ է և խաբկանք.«Ալիևը ոչ մի բանից և ոչ մեկից չի վախենելու, նա չի զսպելու իր ամբարտավան այս քաղաքականությունը և հետ չի քաշվելու։ Ավելին, վաղն այս ամենը, ճիշտ նույն սցենարով, կրկնվելու է նաև Հայաստանում։ Հետևաբար և առաջին հերթին, սեփական արժանապավության հարցն է պետք լուծել ու ոտքի կանգնել, որովհետև մեզնից բացի, մեզ ոչ ոք չի փրկելու, սին հույսերով ապրելը մեզ վերջնական ու անդարձ կորստի է տանելու, ինչին էլ ձգտում են այս իշխանությունն ու նրանց տերերը»։

Աղբյուր` Փաստինֆո