Փաստ ինֆո

Նախորդ անգամ՝ մեր մեկօրյա գործադուլը նախազգուշական էր։ Մենք երկնքից աստղեր չէինք ուզում իջեցնել, այլ ուզում էինք պետական մարմինների կողմից իրավական վարքագծի դրսևորում տեսնեինք։ Այն մարմինների կողմից, որոնք ջանասիրաբար խախտում են մարդկանց իրավունքները և դա ուղիղ իրենց կաշվի վրա զգում էին փաստաբանները։ Կոնկրետ այս դեպքով, որ կրկին բռնություն տեսանք փաստաբանի նկատմամբ՝ իր մասնագիտական գործունեության իրականացման ժամանակ, այսպիսի անտարբեր վարքագծ ուժային կառույցների կողմից գոնե իմ պրակտիկայում չեմ տեսել, այնքան ի միջի այլոց, որ այդ մարդիկ շարունակել են պաշտոնավարել։ Այս մասին լրագրողների հետ զրույցում ասաց փաստաբան Գոռ Գևորգյանը։

«Ստացվում էր, որ դա դիտվում է որպես խրախուսում՝ փաստաբանների նկատմամբ ուժի գործադրման։ Մեր ամբողջ օրը պայքար է, ամբողջ օրը, մենք ենք ընտրել այդ ճանապարևհը, պայքարել այլոց իրավունքների համար՝ օրենքով ջարգելված բոլոր միջոցներով և ստացվում է այդ պարագայում տեսնում ենք ոստիկաններ, որոնք ուղղակի բռնության են ենթարկում փաստաբանին՝ իր գործունեության համար՝ առանց մտածելու, որ իրենք են ունենալու փաստաբանի կարիք, բայց չեն ունենալու նորմալ փաստաբան, որ փորձելու է ամեն չարգելված եղանակով իրենց պաշտպանել»,- ասաց նա։

Նրա փոխանցմամբ՝ ԱԱԾ քննչական դեպարտամենտը կասեցրել է փաստաբանի նկատմամբ բռնության ենթարկած ոստիկանների պաշտոնավարումը, սակայն ոստիկանության պետն անդրդվելի է՝ նա չձեռնարկեց ծառայողական քննություն, չեղավ ոստիկանների լպաշտոնավարման կասեցում։ Անգործությունը փաստաբանները որակում են որպես ոստիկանների գործողությունների խրախուսում։
«Մինչև վերջ ոստիկանության պետը մնաց անդրդվելի ու խրախուսեց ոստիկանների գործողությունները, երբ չկա համահունչ արձագանք, ապա դա որակվում է որպես խրախուսում։ Դրա համար մեր ուշադրությունը սևեռվեց այն ուղղությամբ, որը խրախուսում է փաստաբանի նկատմամաբ բռնությունը»,-ասաց նա։

Գևորգյանը նշեց, փաստաբանները միշտ խոչընդոտում են ուժային կառույցների հակաիրավական գործողություններին։

«Ժողովրդական լեզվով ասած, մենք խանգարում ենք նրանց ապօրինության գործել։ Շատ դեպքերում երբ ունեն իրենց պատկերացմամբ չբացահայտված հանցագործություններ, փաստաբանների արագ արձագանքաման շնորհիվ է, որ չեն թողնում մարդկանց խոսշտանգել։ Հնուց եկած մեթոդի համաձայն, հանցագործությունները բացահայտվում են խոշտանգումների շնորհիվ, երբ ցուցմունք չեն տալիս, ուժի գործադրմամբ փորձում են ցուցմունք կորզել, հեռախոսը վերցնել և այլն։ Մեր դերակատարումը խոչընդոտում է իրենց հակաիրավական վարքագծի դրսևորմանը»,-ասաց նա։

Աղբյուր` Փաստինֆո