Փաստ ինֆո

Հպարտորեն հայտարարում էիք, որ Սևանում արգելվելու է ջրի բացթողումը, եթե պետք է գերազանցվի 170 մլն.-ը, և եթե Սևանի հաշվեկշիռը բացասական է։ ԱԺ արտահերթ նիստին այս մասին հայտարարեց ընդդիմադիր «Հայաստան» խմբակցության քարտուղար Արծվիկ Մինասյանը՝ արձագանքելով ՏԿԵ նախարարության կողմից՝ Սևանի ջրառը մինչև 240 մլն. խմ ավելացնելու նախագծին։ Մինասյանը փոխնախարար Վաչե Տերտերյանին հիշեցրեց նախարարության հայտարարությունն ու ընդունած օրենքը՝ 170 մլն խմ.-ից ավելի ջրառի արգելման մասին։

«Թե՛ հունիսի 29-ին, երբ կառավարությունն ընդունում էր այս որոշումը, թե այսօր, Սևանի հաշվեկշիռը բացասական է։ Երեկվա դրությամբ՝ 1900.56 մ է։ անցյալ տարվա նույն ժամանակահատվածի համար մինուս 15 սմ»,- մասնավորեցրեց նա։
Տերտերյանն ասաց, որ ինքը ևս մեկ անգամ կճշտի օրենքով արգելելու փաստը՝ հավելելով, որ իրավական կառույցները նման հակասություն չեն նկատել։ Որպես հակակշիռ, ասաց, որ թեև այս տարի նախորդ տարվա համեմատ մակարդակը 15 տոկոսով պակաս է եղել, սակայն, մայիսի 14-ից սկսած այն +13 է եղել։

Արծվիկ Մինասյանն էլ արձագանքեց՝ հայտարարելով, ոչ ԱԺ ներկայացրած նախագծով նախարարությունը հակասում է իր իսկ ընդունած օրենքին։

Աղբյուր` Փաստինֆո